Land of the Brave Youth Club nayo yeya mondambo

0
206

OSHIGAMBO – Aagundjuka monooli yoshilongo otaya lala taya dhiladhila oshoka oya hala ya yambulepo oshilongo shawo paliko yo ya adhe omalalakano moonkalamwenyo dhawo. Shino ota ye shi ningi okupitila miinyangadhalwa ya yoolokathana.

Omasiku gaziko yamwe yomaagundjuka oyali ya totopo ehangano tali ithanwa Land of the Brave Youth Club. Ehangano ndino otali wilikwa ku Cesilia Kamati ngoka oye omupresidende gwalyo, Simson Simataa eli omupevi peresidente, Sandro Ithana omupeha gwomupevi peresidente,Jackson Pewuyelenga eli koshikondo shomakwatathano omanga Masule Admire eli koshikondo shiimaliwa.

Omuperesindentee Cecilia Kamati okwa ti oYouth Club ndjika ya totwapo mo 18 Mai omvula ndjika no ya nyolithwa nuuMinistiry wOmaudhano Aanyasha nOmayakulo gOpashigwana, otayi lalakanene okutsa omukumo aanasikola yi itule melongo lyawo yo ya simaneke aluhe elongo oshoka olyo onakuyiwa yomuntu kehe. Molyomakaya ya ziko oYouth club oyali ya talelepo lwotango osikola yaShigambo konima sho ehangano ndika lya totwapo. “ Mosheendo shetu otwa li twe ende pamwe naanaskola tweya hogolola moosikola ndhoka dhili mOndangwa, otwa li twa ningi iinyangadhalwa oyindi mono aanaskola yali yu ulike ohokwe yawo mu ashihe twa li twa ningi,” Kamati ta ti ngaaka.

Kamati okwa gwedhapo kutya Land of the Brave Youth Club otayi lalakanene woo okutsa omukumo aahikingalo mboka opo ta ye ya mowela,aakuthimbinga momathigathano guukadhonadhingi naamboka ya hala okutotapo oongeshefa dhawo ashike ka yeshi mpoka taya tameke yo ya kale ya pyokoka noku ulika iipewa yawo.

Aanasikola yomOshigambo esiku ndyoka oyali ya kumikwa sha pitile miinyandwa,iipopiwa oshowo oompata mono yali taya thigathanapo.

Aalongwa oyali taya pulwa omapulo mono oyendji ya kala taye ga yamukula naamboka yali ya yamukula mondjila oyali yi isindanene uumbindja,oopena , omambo oshowo oyindji mbyoka aanaskola ya pumbwa melongo lyawo.

Killer Stars oya li ya mwenyeke esiku noongalo ndhoka dhina etumwalaka tali lombwele aanaskola yi ilonge yo ya yambulepo oshilongo shi kale pamuthika tagu hokitha.

Taya tsuwa omukumo opo kehe ngoka a hala oku wayimina oyouth club ndjika a kale eshi ninga yo ya tule uukuni kumwe onga aanyasha.

Otaya kala taya talelepo moosikola monooli ayihe noku kumika aanaskola yi ilonge neitulemo.

Aanaskola otaya kala woo taya hungwa omwenyo yo ya kale aanambili.

LEAVE A REPLY

Please enter your comment!
Please enter your name here