Old Mutual a gandja iimaliwa komanyakwa kuumbangalantu

0
210

Komutoolinkundana

ONGWEDIVA – Uudhano womanyakwa kUumbangalantu wokokule mboka hawu kwashilipalekwa kuOld Mutual womumvo nguka owa li wa tseyithwa noku tulwa miilonga Etine oshiwike shayi mOngwediva.

Omugandjimayele gwa Old Mutual Namibia, Revonia Kahivere, okwa tseyitha pethimbo lyegandjo lyekwashilipaleko a ti ehangano ndika otali gandja oodola omayovi 350 000 omolwehumitho komeho oshowo elongekidho lyomathigathano ngaka ga tamekelwe omumvo 2004.

“Okuza omumvo 2004 sigo onuumvo Old Mutual okwa longitha oomilliona dhooN$2,4 mwakwatelwa omwaalu nguka gooN$350 000 tadhi ka longithwa nuumvo” osho Kahivere a ti.

Omaudhano ngaka ohaga dhanwa kaanasikola omathele momanongelo gokiitopolwa yokuumbangalantu Oshana, Ohangwena, Omusati nOshikoto, mboka haya kuthombinga momaudhano ngaashi etanga lyokoompadhi naandyoka lyomokambamba.Oshikondo Shomaudhano, Aagundjuka Niilonga yOpashigwana, Solution Worx, OTB Sports, Old Mutual na Waltons Stationery ohaya longele kumwe mokukwashilipaleka omaudhano ngaka.

“Tse otuuvite nawa notwa yalula shoka hashi etwapo nokugandjwa komahangano ngoka hatu longele kumwe molweendo nduka lwoku yambulapo omaudhano miitopolwa mbika oomvula adhihe ndhoka dha piti. Otatu ya pandula mu kehe shoka ya gandja kutya omoludhi luni , oshimaliwa nenge iipumbiwa yilwe ngaashi iilongitho yosikola nosho tuu. Onkene mokulongela kumwe nuudhiginini otwe shi pondola okulongekidha omaudhano ngaka nawa no inaatu ndopa oku shi ninga.” Osho Kahivere a ulike. Kakele komasindano molupe lwoshimaliwa opena wo omasindano gamwe ngaashi oolaptops, omashina gookopi , iilongitho yomaudhano nosho tuu.

Uudhano wonuumvo wOld Mutual owa tamekele nale omwedhi gwayi miitopolwa nomathigathano gahugunina otaga ka kalako  pOshakati Independence Stadium momasiku19 Septemba nuumvo.

Omukuluntusikola gwoseko ya Haudano Senior Secondary School (SSS) mOmusati, Kristopher Shau okwa popi petseyitho a ti  uudhano mbuka ohau kwathele meyokomeho lyaagundjuka palutu oshowo palongo.Okwiitaala kutya omashina gookopi noolaptop ohadhi kwathele wo mewiliko ewanawa lyomanongelo noshowo mehwepopalo lyiizemo yaanasikola.

LEAVE A REPLY

Please enter your comment!
Please enter your name here