Omunamimvo 17 a kwata uunona utatu koonkondo

0
237

OMUTHIYA-Opolisi moshitopolwa sha Shikoto otayi kongo omumati gwomimvo 17 omolwekwato koonkondo lyaanona aakadhona aashona yatatu pomukunda guli popepi nOmuthiya.

Oshiningwanima tashi halutha osha ningwa pomukunda Epandulo popepi nOmuthiya  Etiyali oshiwike shika sho omumatyona gwomimvo 17 a kwata uunona uushona wuukadhona wuli utatu koonkondo. Aanona mbaka ayehe oyena omimvo ndatu.

Aanona mbaka yaali yena omimvo ndatu nomukwawo ena oomvula ne oya li ya thigwa megumbo kaakuluntu omanga yo ya yi kositola kOmuthiya.

Pahapu dhomunambelewa omupoplisi omukwatakanithi mokukondjitha  omiyonena, Naomi Katjiua moshitopolwa Oshikoto , omufekelwa  ngoka a tseyika ashike oye Robert okwa li aadhikilila kaashiinda megumbo moka eli naanona mboka yatatu inaa ya zala sha.

Sho a pulwa kutya omolwashike eli naano ye li owala, okwa yamukula kutya okwa li teya yogo, ihe megumbo moka kamwali omeya.Aashiinda oya yakeleko aakuluntu yuunona mbuka wuukadhona.

Omufekelwa okwa fadhukapo okuza megumbo moka na okwa li inaa kwatwa natango pethimbo oshinyolwa shika sha yi kokunyanyangidhwa.Omakonakono gopolisi otaga tsikile natango.

Oshiningwanima shekwato koonkondo shimwe osha lopotwa pOshivelo ehuliloshiwike lyapiti, konima sho omulumentu  gwomimvo 29 a kwata omukiintu koonkondo konima yokuhilila nguka miihwa omanga ye a li mondjila okuya kegumbo okuza puundingosho.Omufekelwa ngoka eshiwike ashike ongo Teofelus okuli miikaha yopolisi.

Oshipotha shedhipago lyaashi lyowina osha li wo sha tseyithilwa opolisi pOshivelo sho ohauto ya li tayi ziilile kOshomeya yuuka kOshivelo ya kanitha ondjila konima sho yi idhenge moongombe noku gwako kopate. Moshiponga shoka omwa ehamekelwa aafaalelwa ya hamano omanga omuhingi gwosheenditho shoka Teofelus Medusalem okwa hulithile poshiponga mpoka.Aakwanezimo oya tseyithilwa oshinima shika nomakonokono gopolisi otaga tsikile. 

Uuhasha noku hinga nayi konyala ku faalele omwenyo gwomunamimvo 32, Popyeni Immanuel ngoka a pumwa kosheenditho omanga a li ta kambadhala okutaaguluka ondjila onene yopokati kOndangwa nOshivelo. Immanuel okwa ehama unene na okwa taambelwa  moshipangelo sha Nandjokwe.

LEAVE A REPLY

Please enter your comment!
Please enter your name here