Omutumba gwoYoung Chiefs gwa enda nawa

0
193

OSHAKATI-Engathithi enene olya li lya holoka poshinyanga sho sekundo-sikola yaShakati oku kala poshigongi oshinene shosipana yoYoung Chiefs.

Mokati kaamboka yali ya kala moshigongi shika oye omukokoli vali gosipana ndjika meme Sissy Shilunga ngoka eli oye yina yosipana ndjika oshoka oyili yatotwa momututu gwegumbo lye.

Kakale ka meme Shilunga oshigongi shika  osha li sha ka liwa wo kaadhani aakulu yosipana ndjika mboka yamwe yeli aanashilonga mepangelo nomahangano gopawumwene.

Nando iikundathanwa oyindji kayali yahololelwa iikundaneki, kundana okwa li a tseyithilwa kutya uungundumutima owali wa totwapo mboka wuli wa inekelelwa iinakugwanithwa yayooloka mosipana.

Okangundu hoka kali kahololelwa Kundana oko hoka taka ka viyawuka noku kuta aayambidhidhi.

Okangundu haka okeli kategelelwa k aka ye koodoolopa dha yooloka moNooli oku konga iilyo mbyoka ya hala oku kutha uukwashilyo wo Young Chiefs.

Moshigongi osho tu shoka omwali mwa kundathanwa iipambele yina sha noshimaliwa moka Kundana ali atseyithilwa kutya osipana ndjika kayina natango omukwashilipaleki nado oyili metifa noonkundathana nomahangano gomoshitopolwa opo yam one ngoka teya kwashilipaleke.

Shimwe shomiikundathanwa osho wo yamwe yomaadhani mboka yali ha ya longithwa mewiliko lyosipana, mboka mongashiingeyi yeli ya kuthwa omutenge gwewiliko noku kala ashike aadhani yosipana.

Yamwe yomaadhani oyali yeshiningi molwashoka kapwali ngoka ena ehalo okukwathela pethimbo osipana yali yili monkugo yina Onkambe.

Young Chiefs oyo osipana yoshigwana na Vaino Elago Amuthenu oye omunashipundi gwosipana ndjika.

Belle Nadjugwa oye ngashiingeyi eli omupopiliko gwosipana yo Young Chiefs omupe sho ali ahogololwa posigongi shika.

LEAVE A REPLY

Please enter your comment!
Please enter your name here