Ta ya tidhwa noku tukagulwa ku mwene gwomukunda molwuuthigona

1
313

OTAAMBA-OMPUNYA-Omahepekononkalo ndjoka yililitha onkene tayi tsikile okuningilwa Meme Helaria Hamunyela negumbo lye molwaashoka anuwa yo oohepele,yo ishewe kayena iimaliwa.

Meme Helaria Hamunyela gomomukunda Otaamba-ompunya mOndonga pamwe noyana naatekulu omugoyi, anuwa otaya tidhwa mepya lyawo nokuulwa omalaka omawiinayi kumwene gwomukunda gwawo okuza tuu mo 2008, sho yali ya mono elenga epe Amunyela Nembwaya.

Nembwaya anuwa okwa kala nokuhepeka, okutuka, nokuula omalaka omawiinayi aakwanezimo mbaka okuza tuu sho a langekwa sigo okesiku ndika.

Johanna Kalimbo ngoka ali apopi pe ha lya yina okwa hokololele Kundana kutya yo otaya li taya pi, taya mono iihuna noonkondo adhihe.

“Ngashingeyi noku li mwene gwomukunda ihapopi natse, ta ti ihapopi niiluli.

Omvula ndjika okwali a ningi oshigongi opo aantu yomomukunda muka ya tule iimuna yawo mepya lyetu, opo iilya yetu ayihe yilikepo,” Kalimbo ta ti.

Kalimbo okwa gwedha po ishewe kutya mwene gwomukunda okweya lombwele epya lyawo okwa hala eli gandjepo komwana gwomukwaniilwa gwaNdonga shaashi yo aakiintu, itaya vulu okukala nepya, kaye na iimaliwa, ishewe yina (meme Hilaria)keli nawa momutse anuwa.

“Okwe tuula ishewe omalaka ngoka omawiinayi anuwa meme epya okwe li pewa sho ayi miihulo nohonda, ye anuwa meme ohali iikodhongo,” Kalimbo ta ti. Ta gwe dha po ishewe ta ti paife mwene gwomukunda ina hala ya pewe nando omeya gasha, anuwa okwa hala opo ya se ondjala yo ya zemo momukunda.

Oshifo Kundana oshali shayi momakwatathano gopangodhi namwene gwomukunda Tatekulu Nembwaya ngoka ali a geye noonkondo, nonando ali a itayele kutya opuna ngaa oshinima sha tya ngaaka.  Nembwaya okwali a pula Kundana ngele ota vulu okufutapo oshipotha shika noku yamukula kutya ye iha gandja uuyele mongodhi.

“Ngele omwa hala uuyelele mbuka ileni mushangele ehokololo lyeni kaayetu, ngele otamu vulu okulandapo oshipotha shaashi sheni ne ishewe inamu dhengela ndje we,” Nembwaya tati ngaaka, omanga inaa teta ko ongodhi ye.

Aakwanezimo mbaka ngashingeyi oyeli taya pula ekwatho komalelo ngoka gopombanda, yo anuwa oya ninga oomvula adhihe hetatu ta ya monithwa iihuna, yo otaya si ondjala omolwaashike mwene gwomukunda ngoka.

1 COMMENT

  1. suu,omutima munene komeho goshiwana,noshikwawo itovulu okulela ngele kuna hole noshiwana otuna kukala nesimaneko etilo kalunga omunhu osifefa shakalunga natukaleni tuholathane atusheni yamwe yakwetu.tatekulu nelitedulule oompepo dhono kadhishi dhoomwa jesus. 1 Aakorinto;13v1-13 amen. komeho okuna mwene wepangulo.

LEAVE A REPLY

Please enter your comment!
Please enter your name here