Ehangano lyo My Republik, lya ulikwa nokutseyithwa.

0
722

WINDHOEK – Ehangano ndyoka hali hondjo iikutu yoshiNamibia lyedhina My Republik, osho lya tseyithwa noku ulikwa moshilando ongulohi yEtitano lyapiti pamwe nuulalelo wa longekidhwa nawa, nomainyanyudho gayoolokathana.

Etseyitho ndika olyali lya ningilwa koMaerua Mall, pooparkinga dhopombanda, mpoka engathithi lyaaholi yoonguwo, aasimanekwa naakwashigwana yaadha lwopo 700 yali yaholoka.

Ehangano ndika olyali lya ulike nokutseyitha oonguwo dhalyo ndhoka opo dha ndulukwa, dha ulikwa kaakadhona dhingi, naamati mboka yali ta ya ende yedhi zala, okuulikila aaholi yoonguwo mboka yali yahiwa koshiindingili shika .

Oonguwo dhaadha lwopo 32, odhali dha ulikwa kohi yedhina Effortlessly Yours, nodhali dha hondjwa nawa, tadhi tayima. Aalongekidhi yetseyitho ndika oyati oku ulika oonguwo dhoEffortlessly Yours , otashi holola eyambulepo lyo My Republik, noku eta omithigululwakalo dhayoolokathana.

Gumwepo gwomaahondji eli kohi yehangano ndika, Twapewa Amutenya, okwa holola kutya oku ulika ehangano lyawo pamwe niizalomwa iipe ogo gumwepo gwomomikalo okuyambulapo aahondji ooyakwawo yomoshilongo aashona, opo ya hokithwe okuhondja iikutu yawo yo yene.

Okwa gwedhapo ta ti, iikutu yawo oyo mbyoka omuntu to zala wu opale, no tayi hokitha uunene kaaholi yeenguwo.

LEAVE A REPLY

Please enter your comment!
Please enter your name here