Eta lomaadi eenyiki la wanifa eeedula 5.

0
450

Windhoek – Onguduyolwiimbo yedina Eta Lomaadi Eenyiki oya danene oshivilodalo shayo Olomakaya laya, nelalakano okupandula noku Hambelela pamwe okukalapo kwayo omido dili nhano, okudja eshi ya totelwe momafiku 14 June 2010 mo Windhoek.

Oshivilo oshadanwa koshi yoshipalanyole “Kaleni mu na onghenda.” Oshiindingili oshali meumbo la Jacob Nghifindaka po Academia mo Windhoek, opo ovaholi vomaimbilo vali va ongala noku pwilikina eshi Eta lomaadi eenyiki ta li imbula omaimbilo.

Omukwatelikomesho wEtalomaadi eenyiki Teopolina Nghifindaka pefimbo loshivilo okwa fatulula onguduyolwiimbo nghene ya totwa. Mee Nghifindaka okwa tumbula kutya modula oyo yo 2010 momwedi Juni okwa ufanene ookaume kaye peumbo lavo nomuholike waye Jacob Nghifindaka po Academia mo Windhoek nelalakano velihonge pamwe omaimbilo oo atotwa nokwafiwa ashangwa nokulukwa Eta lomaadi eenyiki ku nakufya Omufita wOngerki ya ELCIN, Natanael Hafeni Shinana, xe ya Teopolina Nghifindaka.

Mee Nghifindaka okwa tumbula kutya ovali veli 9 efiku olo va totapo ongudulwiimbo ei, vali na Eunice Mutongolume, Aina Kalla, Saara Shipale, Linea Shaetonhodi, Tangeni Haitula, Nambata Namweya, Simeon Amunketena Loide Velishavo, okudja opo ongudu oya enda noku hapupala nokonena eli oina oilyo ili 40.

Ta tumbula elalakano longudu yolwiimbo kutya oya totwa nelalakano opo veli honge omaimbilo oo afiwa ashangwa ku nakufya Omufita Shinana , ve a tule mou CD opo adule okuya moshiwana aka longe oshilonga ngaashi nana shili ehalo la naku tota omaimbilo aa.

Momhito ei mee Nghifindaka okwa pandula ongudu yEta lomaadi eenyiki eshi ye shipondola okuwanifa po elalakano longudu okutula omaimbilo aeshe eli 27 mou CD okuhovela modula 2010 fiyo 2012. Ta ti omaimbilo eli 15 okwa imbwa yoo mwa tulwa oishikomwa novena elalakano opo omaimbilo aeshe vea imbe yoo noishikomwa opo omunhu a pwilikine omaimbilo aa momukalo oo a hala. Fiyo onena ongudu oye litulamo noku imba omaimbilo oo ngaashi okuxunga ovanaudu moipangelo, no momaumbo. Ohava ka imbila noku hekeleka ovo veli moluhodi, okuudifa momalongeloKalunga, momaongalo, nomeengeleka da yooloka moshilongo.

Mee Nghifindaka okwa tumbula kutya ongudu Eta lomaadi eenyiki ohaikwafa pa lutu ovanhu ovo veli moluhepo. Ta ti moimaliwa oyo haidi mokulandifa ouCDvomaimbilo naayo ha va pewa ngee va findana mokwiimba, oshoyo mokufuta kwavo oukwashilyo, ohave ilongifa moku landa omilongelo ngee tava katalelapo omaongalo. Moimaliwa oyo tuu oyo Nghifindaka okwa fatulula kutya ovalongi filemo oshimaliwa, sha ka longifwa moprojeka oyo omutoti womaimbilo oo hava imbi Rev Shinana kwali eitwa omutwe yokuwapaleka onhele yongeleka ya ELCIN pOmafo moshitopolwa shaHangwena, opo pa fikila eongalo lOmwene eshi ladja meni loshilongo. No kwa tumbula kutya ouyele uhapu otau monika mokambo “Oinyanekwa tai shakene nomutenya.”

Mefimbo lopaife Eta lomaadi eenyiki ole lipyakidila nokunyamukula keindilo olo veli pewa kEongalo Ondobe moshitopolwa shaHangwena omomuna omukwaneongalo umwe apilwa eumbo laye alishe, nongudu Eta lomaadi eenyiki oya udaneka oku ke mukwafela apa tava dulu.

Nghifindaka okwa tumbula kutya okudja nghene ongudu ya totwa ova findana oikando ili ivali eshi va imba omaimbilo paenhote xwepo okuyeleka neengudu dikwao. Ta pandula aveshe ovo hava yambidida Eta lomaadi eenyiki opo vadule okuya momalwendo okuya kondje yoshilando.

Omubishopi eli moshipundi she tulumuko Tatekulu Apollos Kaulinge okwa li a mona omhito opo akalepo shivilo eshi. Bishop Kaulinge okwa tongomona omufita Natanael Shinana omutoti womaimbilo Eta lomaadi eenyiki, ta ti ovafikola pamwe okudja kofikola yovamati ndele fiyo okofikola youfita. Okwa hokolola oupenda waye mokuudifa Evaengeli osho a fatulula kutya manga nokuli veli kofikola yovamati Omufita Shinana okwa hovela nale okuudifa. Bishopi Kaulinge okwa tumbula kutya epapuduko eshi le va hanga modula 1952 Omufita Shinana okwa hangika nale a papuduka, no kwa kala omuudifi wa shili.

LEAVE A REPLY

Please enter your comment!
Please enter your name here