Euvathano lyiilonga lya Mannetti lya tseyika

0
230

Windhoek-Sha landula ethimbo lyoku walyaeka , Kundana okwa kunndana kutya Ricardo Mannetti anuwa okwa tindi okutaamba euvathano lyiilonga yuudheuli wospana yopashigwana lya opalekwa noli na omwaalu gwondjambi yi li hwepo. Ndika otali uvanekele Mannetti oodola omayovi N$75 000.00 opo a tsikile niilonga ye ongo omudheuli gwospana yopashigwana Brave Warriors coach.

Euvathano lyiilonga lya Mannetti olya thikile pehulilo omwedhi gwayi, nokonima ewiliko lyoOlutu lwokuwilika Etanga lyokoompadhi moNamibia[Namibia Football Association (NFA)] olyali lya tokola opo nguka a kale natango miilonga ye sho lye mu tulilepo okondalaka yiilonga ompe ndjoka ya ndjekwapo  okuyeleka naandjoka ya hulu, yo ndjika okwa li ya tegelelwa yi tameke mesiku lyotango lyomwedhi tuuka noku ka hulila mu Juni 2017.

Nando amushanga Ndjayi gwa NFA , Barry Rukoro okwa lombwelele iikundaneki oshiwike shayi kutya Mannetti okwa ethapo iilonga sho a tindi okutaamba euvathano ndyoka epe, sigo oompaka Mannetti yemwene ina tya sha komipopyo adhihe ndhoka.Ina tya sha ngele shoka tashi popiwa oshili nenge kashishi shoshili.

Onkulungu ya simanekwa mokudhanena ospana yoBrave Warriors mokati kokapale, owmedhi gwayi oya wilike ospana yaakuluntu yetanga lyokoompadhi yopashigwana sho ya sindanapo ekopi lyIigwana yokUumbugantu wAfrika moku dhengamo Mozambique ookoola 2-1 methigathano ndyoka lya dhanenwa moSouth Africa.

Onkundana yoku ethapo iilonga ndjika oya li ya halutha oshigwana unene tuu sho ospana ya lit a yi ilongekidhile uudhano womanyakwa gIigwana yaAfrika nenge [CHAN] nospana ya Zambia, uudhano mbuka elago enene Brave Warriors okwe wu sindanapo Osoondaha ya yi nookoola 2-1 pokapale kaSam Nujoma moKatutura sha Venduka. Ospana oya li mewiliko lyopakathimbo lyomukwati nale gwomokoola yo Brave Warriors Ronnie Kanalelo.Pethimbo lyoshigongi shoonkundana okwa li kwa tseyithwa wo kutya Mannetti okwa li a indile opo a pewe oshinakugwanithwa shilwe mo NFA.

Oshigwana osha li sha kunkwa nosha haluka keyo lya Mannetti inaali longekidhwa, noshikwawo egumbo lyetanga lyOkoompadhi ka lya li lina efatululo lya sha tali uvikako kombinga yoshinima shika . Oshowo andola ndyoka tali vulu oku itaalwako kutya oshike naanaa sha fala sigo ometokolo ndyoka opo Mannetti a tinde okondalaka ndjoka ompe.

Omuperesidende gwoNFA Frans Mbidi okwa lombwele Kundana kutya nonando okwa tokola opo eethepo iilonga yuudheuli wo Brave Warriors, olutu oluwiliki lwetanga olwiilongekidha oku kuutumba naye opo ya kundathane noku adha etsokumwe.

“Ngaashi ashike shi itaalwa kukehe omuntu , tse natse otuuvite kutya ye oye omuntu eli mondjila okukwatela komeho ospana ndjika. Naandika olyo etompelo kutya okommitte ompitithi oya tokolele nal mu Febuluali kutya otuna oku mu pa okondalaka yoopala,” Mbidi a ti.

Mbidi okwa ti Mannetti okwe mu lombwele  etine oshiwike sha yi kutya ye okweethapo iilonga omolwa omatompelo gena sha nofamili ye. Kundana oku uvu kutya he ya Mannetti anuwa okwa li a hakukilwa kedhengo ly9omutima kuyele omwedhi nguka.

“Euvathano olya li lya kundathanwa nale  omanga inaa ya kuudhano wa Cosafa. Otwa lit we mu pe ethimbo lya gwana opo a leshemo nawa nokwa tindi okutaamba okondalaka ndjika. Ndele tse ootwi ilongekidha okukundathana naye,” Omuperesidende osho a ti.

Pakondalaka ndjoka Mannetti ta pewa ku NFA ndjoka ya monika ku Kundana: “Ondjambi ndjoka ta pewa  yo ishewe oya ziminwa komugandji gwiilonga moshilonga shomudheuli omukuluntu gwospana onkuluntu yopashigwana oyi na okukala ooN$75 000 komwedhi hayi futwa pehulilo lyomwedhi mesiku lya hugunina lyiilonga omwedhi kehe.’’

Kombanda yomwaalu nguka omudheuli ota ka pewa ooN$7 500 okukala puudhano  kehe wopambili oshowo epandulo ngele osana oya sindana uudhano mboka.Okwa li a uvanekelwa oo N$10 000 dhokuholoka puudhano wekopi lyUuyuni naandyoka lyIigwana yAfrika pomaudhano gokudhana opo ospana yopashigwana yi pite okukadhana momaudhano ngoka gomakopi ngaka.Okwa uvanekelwa wo ooN$20 000 dhepandulo ngele okwa sindana omaudhano ngoka.

Muudhano wokupita okuka kuthombinga methigathano lyoCHAN , Mannetti okwa li ta pewa ooN$7 500 gokuholoka puudhano, ndele nee epandulo lyoo N$15 000 okwa li ashike t eke li mona ngele ospana oya sindana muuudhano wayo medhingoloko lya landulako methigathano ndyoka.

Mannetti okwa uvanekelwa epandulo lyooN$250 000 ngele okwa pititha ospana ndjika yi ka dhane methigathano lyuudhano wekopi Lyuuyuni omumvo 2018b oshowo ooN$150 000 ngele ospana oya piti oku ka dhana methigathano lyiigwana ya Afrika omumvo 2017.

Muudhano wa CHAN mboka tawu ka dhanwa mo Rwanda omumvo 2016, Mannetti okwa lit a uvanekelwa ooN$80 000 ngele ospana oye shi pondola oku kadhana kethigathano ndyoka.

Iilonga ikwawo mbyoka NFA a tegelela yi longwe ku Mannetti oombyoka kutya okuna oku kambadhala opo a ukithe omuthika gwospina meyalulo lyuuyuni kohi yoshikolo 100 payalulo lya FIFA.

“Opo okondalaka ye yi lelepekwe ospana yo Brave Warriors oya li yin a oku kambadhala okupita oku kadhana kethigathano lyekopi lyUuyuni lyo FIFA lyomumvo 2018, osho okondalaka tayi leshwa miitopolwa,”

Omudheuli gwopakathimbo ngoka a yi moongaku dha, Mannetti,  Ronnie Kanalelo okwa lombwele aatoolinkundana Osoondaha kutya esindano lya Namibia okudhenga Zambia , ota ka kambadhala oku ziminitha Mannetti opo a dhiladhilule etokolo lye.

“Otandi inekele ota galuka, otandi kakambadhala opo ndi mu itaalithe opo a galuke oshoka oye omuwiliki gwomondjila, okutu fala komeho oshoka okweende ondjila onde naadhani yamwe mbaka,” Kanalelo a ti.

“Okuna uukwatya ngushu mboka ngame ndaana oshowo ngame ondina wumwe mboka ye kena onkene tes ngele otuli pamwe otatu kwathathana ngaaka  nokulonga nawa.’’

Oonkambadhala okupopya na Mannetti inadhi pondola sha pethimbo lyokuya kenyanyangidho lyoshiof shika oshoka omudhani gwopokati mospana yo Santos FC okwa li a dhima ongodhi ye.

LEAVE A REPLY

Please enter your comment!
Please enter your name here