Hulithiipo omadhipago gaakiintu

0
286

ONDANGWA  – Engathithi lyaalongi moshitopolwa shaShikoto olyali lya nyanya noku holola uukwawo wanankali molwa omadhipago ngoka taga ningilwa aakiintu moNamibia. Omunyanyo nguka ogwa li gwa  ningwa melongelokumwe nehangano ndyoka lya kalelapo aalongi mOshikoto (NANTU).

Aalongi mbaka oyali ya nyanya okuza kombelwa yaNANTU pOnethindi noku fala omushangwanyenyeto gwawo kompangu yaMangestrata mOndangwa.  Omunyanyo nguno oyali ye gu longekidha owina konima sho moshitopolwa shaShikoto mwa dhipagwa aakiintu yaali meni lyoshiwike shimwe , mono mwa kwatelwa omulongisikola kwali gwo pre-grade posikola Onalulago.  Justina Shigwedha ngono taku hokololwa a longa ethimbo ele posikola opo tuu mpoka okwali a dhipagwa no ku fikilwa mohauto komusamane gwe, naashino aalongi oyeshi pangula noku shi uvila nayi molwashoka eso ndika olya yugu omunona omuNamibia noshigwana omuputudhi.

Omunashipundi gwehangano lyoNANTU mOshikoto, Tomas Niilonga oye  a lesha nokugandja omukanda nyenyeto kaanambelewa yompangu omanga aalongi yakwawo ya yelutha omapulakata ga shangwa omaiyuvo gawo kombinga yomadhipago ngaka taga ningilwa aakiintu.

Gamwe gomomapulakata ngoka yali ya humbata ogali taga lombwele aalumentu  ya hulithepo omadhipago, taya indile opo ngoka a dhipaga kaa pewe uuthemba  iifutilemo mondholongo, taya indile aatotimpango ya uve omakemo goshigwana noku galula ohake opo mboka taya dhipaga nayo yaye kohake woo. Oyali woo ya tsikileko ta yati edhipago halyo ekandulepo lyomukundu ashike ngele owi iyadha muna uupyakadhi nomuholike gwoye konga ekwatho tango manga inoo dhiladhila okudhipaga noku yonapo omuntu gwaantu.

Taya tsikileko kutya otaya indile aaleli yopashigwana,aakwambepo, omahangano niikondo ya yooloka moshilongo oshowo aakwashigwana ya hangane muukumwe opo ya kondjithe noku shunitha pevi iikulumanene yoludhi nduka nomadhipago, taya ti shino na shi ningwe okupitila momalongo. Oya indile woo aavali ya putudhe aanona yawo nokuya longa esimaneko lyomuntu, yo ya koke yena etiloKalunga.

“Otwa dhengwa unene keso nedhipago lyomulongi omukwetu ngono ali ta ti sha moshigwana, otashi yemateke okukanitha aakiintu molwa omadhipago ngoka taye ga ningilwa kaalumentu, pehala lyokuhola omukiintu otomu dhipaga ishewe omolwashike aalumentu taya longo iilonga yi kenyeneka ngeyi ?, Otatu kugu onkugo yetu yi uvike oshoka otwa luluma noonkondo,” aalongi taya holola ngaaka neyeme.

Pethimbo ta taambako omukanda nyenyeto ngoka Omweeti gwiihokolola omukuluntu pompangu yaMangestrata pOndangwa , Peterson Ndlovu okwa ti otaka thikitha shoka aalongi ya pula oshowo omanyanyeto yo ya adhe esindano neyamukulo lyahugunina.

Brutal-Accept Brutal-March-Three

LEAVE A REPLY

Please enter your comment!
Please enter your name here