Ndililimani otayi kamwenyeka muumbugantu

0
180

WINDHOEK-Ongundu yoDilimani Cultural Troupe, otayi ka ulika uunongo wawo nokumwenyeka muumbugantu woshilongo ehulilo shiwike ndika okuulika oongalo dhawo.

Ongundu ndjika oya tegelelwa nee yi ka mwenyeke tango moLuderiz, poBenguela Community Hall mEtitano, nOlyomakaya mOrangemund, poZacharias Lewala Hall. Omainyanyudho ngaka otaga tameke poheyali yokomatango, pomahala agehe geli gaali.

Kakele ashike koNdilimani, otapu ka kala ishewe ongundu yoT.K.B, ndjoka tayi ka mwenyeka pamwe. Gumwe gwomaalongekidhi yoshituthi shika, Ekandjo Shipala okwa ti ndika otali ka kala einyanyudho limwe lya kwata miiti, naakwashigwana ota ya ka nyanyudhwa komaimbilo ngoka goNdilimani.

“Otapu ka kala ishewe aandaanisi mboka ya dhenga mbanda, taya ka mwenyeka pamwe nomainyanyudho gayoolokathana,” Ekandjo ta ti ngaaka.

Ota hiya woo opo aakwashigwana naaholi yoongalo dhoNdilimani opo ya holoke momwaalu omunene yo yakatale ngele kemanya taku zi ontsi.  Uutekete otayu ka monika posheelo, oodola omulongo  kaanona, noodola omilongo ntano kaakuluntu.

LEAVE A REPLY

Please enter your comment!
Please enter your name here