Osekundo yIipumbo oyo enyakwa lyuudhano wa M.G

0
170

OSHAKATI – Osekundosikola ya Iipumbu oyo enyakwa lyuudhano wa Mwadhina gwa Nembenge wokomumvo mboka wali wa dhanenwa mOshakati ehuuliloshiwike lyaziko.

Iipumbu okwa li a dhengemo Evululuko  medhingoloko lya hugunina lyokatanga  kokoompadhi noku toolapo ekopi, nokapandi ko N$1000, Evululuko olya li lyeya pehala etiyali moka lyali ya pewa olupandu lwo N$750.

Osekundosikola ya Gabriel Taapopi oyo enyakwa lyuudhano wo Katanga komokambamba konima sho yali ya dhengemo Iipumbu noku toolapo ekopi, opamwe nokapandi ko N$ 500, Osekundosikola ya Iipumbu oyali yeya pehala etiyali moka ya li ya hekelekwa nokapandi ko N$250.

Osipana yaakadhona yosekundo ya Iipumbu oyo yasindanapo uudhano wetanga lyokoompadhi moka nayo yali yapewa ekopi opamwe nokapandi ko N$500 omanga omukondjithi gwawo G.T ali a hekelekwa no N$300.

Omukwateli komeho gwuudhano mbuka Moses Nhuleipo okwa ti uudhano owa li we ende nawa lela noosikola odhali dha ulike omayi humbato geli nawa.

Okwa ti elalakano lyuudhano mbuka olya li oku eta oosikola pamwe moshimpungu shehumitho komeho lyomaudhano moshitopolwa, omanga yali ya longitha ompito ndjika oku nyangela osikola oshimaliwa okupitila miilandithomwa.

Okwa ti uudhano mbuka nando owali wotango mondjokonona yosikola ndjika oya tokola opo uudhano mbuka wukale ha wu dhanwa aluhe omumvo kehe noku kala oshitopolwa sho kalindeli kosikola.

Konyala oosikola dhili 20 odha li dha kutha ombinga muudhano mbuka wali wa dhanwa ehuliloshiwike  alihe lyaziko.

LEAVE A REPLY

Please enter your comment!
Please enter your name here