Uudhano waNehale owe enda nawa

0
188

ONAYENA – Omuunganeki gomaudhano mosekundoskola yaNehale Simon Mvula okwa ti uudhano wawo wonuumvo owa enda nawa. Mvula okwa kuthileko Kundana kombinga yuudhano wa li penongelo lyawo ehuliloshiwike lyayi.

Okwa holola enyanyu lye sho a ulike kutya uudhano wawo owali kadhenga. “ Ohatu longekidha uudhano wa tya ngeyika omumvo kehe , mono hatu hiya oosikola adhihe dhili monooli , oosikola hetatu (8) odhali dha kutha ombinga muudhano mbuka no dhali dha thigathanapo ngaashi shito,” Mvula ta ti ngaaka.

Okwa tsikileko ta ti elalakano lyawo okuhanganitha oosikola dho dhi kale dhina uukuume wa kola no wa tsa kesipa, yo aanaskola ya kale yafa aamwayinathana. Oosikola odhali dha kutha ombinga muudhano wetanga lyokoompadhi, etanga lyomokambamba oshowo ovollyeyball.

Oosikola ndhoka dhali dha kutha ombinga metanga lyokoompadhi  adhihe odha dhengwamo kosekundeskola ya Andimba Toivo ya Toivo sho ye ya yotango noya sindanapo ekopi oshowo ooN$1000, Nehale naye kali a hala aze megumbo inaa sindana sha onkene okwa li eya puutiyali nokwa sindana ooN$600. Uukule okwali a etelele okano eta pewa ooN$400.

Aakadhona  mboka yali ya kutha ombinga metanga lyomokambamba oyali taya dhana yiitulamo. Oseko yaGabriel Taapopi oya li ya sindana ekopi noon$600 sho ya dhengemo Uukule medhingoloko lya hugunina. Uukule okweya puutiyali nokwali a pewa ooN$450. Nehale ta etelele okano sho a pewa N$200.

Oonekandangala lyombandje mboka yali ya kuthombinga moVolleyball oyali taya dhana ngomakondombolo ta gali ehete. Omakunde ogali gazi mooshendje sho Uukule a kondjo noku sindanapo ekopi nooN$500 , sho ya dhengemo adhihe dhali dha kuthombinga. Osikola ya Rev Juuso Shikongo oyali yeya puutiyali noya sindana ooN$150.

Mvula okwa indile oosikola dhi kuthe ombinga momaudhano goludhi nduka, yo ya kale taya unganeke uudhano nga mbuka moosikola dhawo yo taya hiya oosikola dhopuushinda dho dhi thigathanepo. Ta ti shino otashi tungu omalutu guunona go ga kale gena oonkondo noga kola. Ta gwedhapo kutya otaya lalakanene uudhano womvula ta yiya u kale ka pyoko wu vule agehe.

 

LEAVE A REPLY

Please enter your comment!
Please enter your name here