Yaya moshipangelo sho ya dhenge mbishi

1
392

OHANGWENA – Aamati yatatu yomOhangwena oyali yi iyadha moshipangelo konima sho yali ya dhenge mbishi okusa. Aamati mbaka otaku hokololwa yali taya shingi pomudhingoloko gwaHangwena.

Oyali yeli pu kamwe komuundunda hoka haka landitha omalovu niilandithomwa yilwe. Nakulanditha mokandunda moka okwali anuwa a tumwa ombiila kuyakwawo naasho a ka patulula anuwa mofriza ye a kuthemo ombiila ndjoka ali a tumwa kookuume ke mboka yali yeli pondje omwali anuwa mwa nuka mbishi ngono keeshi kutya anuwa okwa yimo ngiini. Mbishi ngono anuwa okwali ta matuka uuka maantu mba ya adhika pehala mpoka.

Yamwepo yomaamati mboka ya dhenge mbishi oye tuu ngoka mwa kwatelwa naangoka ha landithamo oyali ya kwatwa kuuvu esiku lya landula no yayi koshipangelo kEngela. Hono yaali yali ya pangwa etaya ziko esiku ndyoka omanga gumwe ali a tulwa moombete nokwa lalekwamo mEtitano lyayi. Oya hokolola kutya oyali ashike taya ehama pomitima noya tokola ya ka konge uunamiti.

“Otwa kala ihe tuna omaipulo nokatushi kutya omolwashike mbishi ena okunuka mofriza uuka maantu, no katushi kutya okwa yimo ngiini, opwali woo pwa ningwa oshiningwanima omasiku gamwe sho pwali natango mbishi gumwe ali a nuka membako lyoJukebox, nokeshiwike kutya oku ukile peni, iiningwanima ayihe mbino oyetu etele uumbanda oshoka katuna etompelo kutya oombishi otaya kongo shike pomahala gaantu gomanwino,” Gumwe gomwaamboka ta ti ngaaka.

Mboka ya adhikapo anuwa mbishi sho a nuka mofriza oyali ya tokola yemu dhenge sigo ye mu dhipaga. Oyali anuwa ya ekelehi mbishi ngoka kokule nokutseyithila mwene gondingosho oyo tuu ndjoka. Mwene gondingosho okwa kala anuwa noku pula kutya mbishi okwe ende ngiini eye mondunda ye ashike ka puna ngoka ena uuyelele kutya oshe ende ngiini opo mbishi a nuke mofriza nonande omulandithi a kala ta kuthamo omalovu ndele inemu mona okweya owala emu itse oshikando shoka.

1 COMMENT

LEAVE A REPLY

Please enter your comment!
Please enter your name here