Forra ota ka dhana muudhano wesimaneko

0
242

Windhoek-Foresta Nicodemus otaka laleka oshitopolwa shuudhano wetanga lyokoompadhi pambelewa nuumvo mepipi lyomimvo 50.

Omudhani gwokomeho mospana yopashigwana, nguka okwa kokela moshitopolwa sha Katutura shakala hashi ithanwa Police Camp.Nicodemus pethimbo lye lyuugundjuka oshowo pomimvo dhe sho a li ha thanga etanga okwa li omudhani ha endelele mokutulamo ookoola. Ota ka laleka oshitopolwa shuudhano wetanga lyokoompadhi pambelewa nuumvo mepipi lyomimvo 50. Ngaashi a tseyika nawa nedhina lye lyomuudhano, ‘Forra’ the ‘Smiling Assassin’ota galukile mokapale ketanga lyokoompadhi muudhano mboka wokuulika nkene aadhani yonale ya li haya dhana etanga. Uudhanoi mbuka otau ka dhanwa kaadhani aakulu yoospana Hungry Lions no Tigers mu mboka muna aadhani yonale nale mboka ya ithanwa owina  opo wo ye ye yuulike shoka yeshi natango.Aadhani nale yoospana Hungry Lions noshowo Tigers oyi imanga kumwe opo ya gandje esimaneko ku gumwe gwaadhani yokomeho mospana yoshilongo manga inaashi manguluka oshowo a dhanene oshilongo konima yemanguluko. Ye omudhani nguka ohadhana nawa hatulamo ookoola meendelelo.

Okutulamo ookoola kuye okwa fa eshi pewa omagano. Okuna uunongo woku inyenga netanga noku henuka aakondjithi ye, ishewe okwa yambekwa oshoka oha dhanitha omagulu agehe pwaana uupyakadhi washa. Omudhani nguka ena omuthenu okwa tamekele okudhanena ospana yomoKatutura yoHungry Lions momumvo 1983 mepipi lyomimvo14. Muudhano mbuka okwa humu komeho noku ninga omudhani dhingi muudhano wetanga lyokoompadhi meni lyoshilongo.

Forra okwa li a kalelepo oshilongo she momathigathano gaagundjuka mospana yethimbo oshilongo kwali hashi ithanwa South West Africa (SWA) a dhana mospana yo SWA Invitational.Oya li ya dhana komeho naadhani ooyakwawo aatulimo yookoola ngaashi Frank Fredericks na Dawid Snewe . Pethimbo lyawo oya li ya sindanitha SWA ombandi yoshingoli muudhano wali hau ithanwa South African Provincial Impala Cup mo Johannesburg omumvo 1987.

Forra oye gumwe mondjokonona a tulamo okoola yotango methigathano lyopaigwana muudhano wapitikwa ku FIFA sho a tulilemo Mauritius okoola muudhano mboka Namibia noshowo Mauritius ya dhanene shithike pamwe okoola yimwe mu yimwe. Uudhano mbuka owa dhanenenwe moVenduka pokapale ko Independence Stadium omumvo 1991.

Okwa li aadha omasindano omanene nospana ye yo Hungry Lions sho eyi kwathele okukala inaa yi dhengwa muudhano wayo nosho ngeyi oya ka dhana moliha yoCentral Division One League omumvo 1983.

Forra ota dhimbulukiwa wo sho a li a tulamo okoola ndjoka ya hulithilepo okupanga kwospana yo Black Africa muudhano wetanga lyokoompadhi moNamibia, naashika osha eta opo ospana yo Tigers nenge Ingweinyama yi sindane muudhano wekopi lyali hali ithanwa NFA Windhoek Lager Cup in 1996.

Konima yomimvo 20 okuza kesiku ndyoka, mboka taya dhimbulukwa omasiku ngeyaka oya tokola opo yemusimanekele iilonga nuunyakwa we.Shika otaye shi ningi  mokulongekidha uudhano mboka tau mu simanekitha okupitila muudhano wesimaneko mboka tau ka tseyithwa kutya otau ka dhanwa uunake nopeni nuumvo.

 

LEAVE A REPLY

Please enter your comment!
Please enter your name here