A kwatwa koonkondo ku he

0
291

ONGWEDIVA – Omugundjuka gwomimvo omilongo 21 okuli monkalamwenyo ya piyagana sho anuwa kwatwa koonkondo kuhe ngoka a hokana yina .

Oshiningwanima shika oshali sha ningwa mOlyomakaya gehulilo shiwike ndika mokati kuusiku pegumbo lyahe ngoka  Fredrick uusiku  pomukunda gwedhina, oshimanya, moshitopolwa shaMusati .

Pahokololo lyopolisi aanona yaakadhona aamwayinathana oyali ya lala mondunda yawo yaakadhona uusiku omanga he ali aya kuundingosho.

Sho anuwa he a galuka okwayi uukilila mondunda yaanona moka ya kala ya tulako omahokololo.

“Mokupopya omahokololo aanona mbela nani ya ka sa oomposi etaya kotha . Sho ya kotha he anuwa okwa mpampadhala po gumwe ngoka omukuluntu sigo temu hula iikutu etumu lala shaashi pauvathano,” omupopiliko gwopolisi yaMusati Lineekela Shikongo a ti ngaaka.

Shikongo okwa ti omunonakadhona ngoka okwa tameke oku kuga sigo aashiinda taye ya  mboka ye ya oku mupopila .

Nakukwatwa onkonga ngoka edhina lye itali vulu oku tumbulwa okwa yi kopolisi eta patulula oshipotha shekwatonkonga .

He ngoka omusamane gwa yina okwa kwatwa po kopolisi nokwa holokele mompangu ya mangestalata mOkahao Omaandaha moka ngashingeyi a tindilwa omboloha .

Oshipotha she osha undulilwa komeho komasiku gatano ga Auguste omanga omakonaakono gopolisi taga tsikile.

 

LEAVE A REPLY

Please enter your comment!
Please enter your name here