Nosholola a thaaneke okavidio mo South Africa

0
224

WINDHOEK – Omuhikingalo ngoka ha imbi oongalo dhoAfro Pop, Dancehall noKwaito, Ganda Krispien Masango a tseyika nawa nedhina Nosholola osho athaanekitha okavidio ke kotango kedhina Pump It Up, moSouth Africa omwedhi gwapiti.

Nosholola, omvalele yomOkahandja ngoka avalwa mo 1994 okwa lombwele Kundana ta ti okavidio ke hoka okapeepeka  okategelelwa ka kale kathika mooradio yomuzizimbe dhaNamibia omwedhi taguya, sha landula euliko netseyitho lyako lyotango lyali lyaningilwa moSouth Africa, nolya taambiwako koyendji.

Nonando Nosholola a kala ha imbi okuza manga ali omushona, okwali atseyika nawa nedhina Never Give Up (Inosholola), manga inaapititha okangalo ke hoka kotango kedhina Nosholola mo2010, kali kataambwako ishewe koyendji, naampoka opo pwazi aaholi yoongalo dhe yemuluke Nosholola.

Nosholola okwa kala ha imbi piituthi yomainyanyudho ya yoolokathana,  ngaashi ookonserta dhopoosikola nopiituthi yayoolokathana, mpoka a kala ta imbi pamwe naahikingalo ngaashi The Dogg, Gazza, Exit naMushe, nofelende ndjoka onkulu moongalo Naboth Ndjulume a tseyika nawa Applause.

Momumvo 2009, okwali a totopo ongulu ye moka ha ningile oondjimbo  dhe pamwe naahikingalo ooyakwayo ngaashi Melo, Clouds naApplause  ya tseyika nedhina SLEG Music. Oku imba oongalo dhe okwahokithwa kiiningwanima mbyoka ha yi ningwa monkalamwenyo yesiku kehe.

 

LEAVE A REPLY

Please enter your comment!
Please enter your name here