Odibo St Mary pomido 90

0
430

ODIBO – Elongekido letyapulodimbuluko loshivilo shewanifo leedula 90 dofikola yetumo yoSt Mary Odibo High School, oli li metifa. Eshi, osha tumbulwa kOmukulunhufikola wofikola oyo,  Eino Heelu. Ofikola oya totelwepo omudo 1924 komutumwa wongeleki yaAnglikana  Omufita George Tobias a lukwa oshilukadina “Father Lukenge” , ya ka tameka okulonga omudo 1925.

Heelu ota ti, oSt Mary otai ka dana ewanifo leedula 90 muSeptemba neudo. Omukulunhufikola okwa ti, elalakano okuholola oinima ihapu va longa pefimbo lekondjelomanguluko ya kala inai fatululwa.   Ihapu yomoinima oyoo otai ka yelifwa peshakeno lovanafikola kwali novalongi  vakulu nghee ofikola ya kala nokutalika pefimbo lekondjelomanguluko.

Heelu okwa yelifa kutya Odibo oyo aike ofikola kombinga yokonooli ya li hai longo moShiingilisa okudja keengudu dopedu. Omo yo mwa fikola  eengudi dihapu ovakondjelimanguluko vaNamibia ngaashi, ooAndimba Toivo yaToivo, omunyekadi mukulu woshilongo Penehupifo Pohamba, omupedu Prima Minista,  Netumbo Nandi Ndaitwa, Ominista yoshikondo shEameno  Nepopilo Charles Namholo, Leitenandandjai  Martin Shali e li moshipundi shetulumuko nosho yoo vahapu tava yakula oshiwana moinakuwanifwa ilili nokulili. Ta weda po kutya, mOdibo omo yoo mwa longwa  eengudi dakula  moSwapo oonakufya Teofilus Hamutumbangela nomubisofi wongerki yaAnglikan  James Amupanda Kauluma

Omukwateli komesho wofikola ta ti ofikola ei  ili keengaba daNamibia naAngola molwehongo nonghalo yopolitika pefimbo lekondjelomanguluko, ovahongi novanafikola vahapu mo St Mary Odibo High School, peemhito dihapu ova ninga oihakanwa yovakondjifi vemanguluko ovakwaita vomukolonyeki South Africa novahongwa vamwe ova  shingwa po va ka djoine ekondjelomanguluko 1975.

Sha etifa omukulunhufikola Omubisofi Shihala Hamupembe pefimbo opo a tembulilwe keongalo lokoSwakopmund.Ofikola oya pata 1979 opo nee 1980 oya tembulilwa komisioni yongeleki yaAnglikan kOnekwaya yokoutokelo eekilometa 30 okudja keengaba. Nande nale ya li neendodo okudja postanda  1-6, nonghatu yopaseko okudja poVorm 1-3.

Konima yemanguluko , Odibo oya shuna po 2000. Paife ofikola oya yambuka po  ina ovahongwa 450 okudja pondodo onhihetatu fiyo ondodo onhi-12.

LEAVE A REPLY

Please enter your comment!
Please enter your name here