Omatala aShakati okuli pokuyeuluka

0
313

OSHAKATI – Omatala aShakati okuli pokuyeuluka paife. Eshi sha imba po opo onhele ei yopashinanena yokulandifila yi yeuluke osho omalongekido opaveta oo taaka manifwa meni lefimbo lixupi.

Omunambelewa omupopiliko wElelo loshilando Oshakati Jackson Muma meenghundafana noshifo Kundana okwa yelifa kutya, paife okwe lipyakidilwa ashike nelongekido leembapila osho yoo omikanda udafano odvalongi noovene vomatala.Elongekido likwao olo lokutulapo  omutungilo nghee eyakulo tali ka yandjwa momatala mape aShakati.

Onhele eyi oya tungwa koshimaliwa sheedola eemiliyuna 80 da dja momutengenekwamwaalu woimaliwa yeedula okudja 2010-2014. EemilIyuna 7 domwaado oda yandjwa koshikondo shoIpindi noipambele yeefabulika.

Ovalandifi pomatala ve dule 400 otava ka landifila konhele ya andjuka oko tava ka tukulwa meengudu doludi noukwatya woilandifomwa yavo. Muma ota ti, omatala opamufika woshinanenaa, ovalandifi vombelela ova tulilwa po eenhele dokutalalekela ombelela iha ole, eenhele dokuyofela, okutelekela nokushashaulila ombelela, omanga ovalandifi voilikolwa yomomapya, voikutu, eengeshefa deesalon keshe dimwe oda longekidilwa eenhele.

Okwa teelelwa vahapu va ka mone oilonga shama omatala a yeuluka, shaashi opena okukala ovanambelewa tava tonatele nokulonga meembelewa pOmatala moinima ya yooloka. Muma ta ti, omatala aShakati ngeenge okwa yeuluka otashi  ka yandja omhito iwa kovalondeki novaheluli veebesa da finda oinano ya yooloka shaashi ope na ombelewa yokudidilika ovatwaalelwa, ope na okaATM opo  omunhu ta dulu kunana oshimaliwa. Nande vamwe tava ti okwa tungwa konima ile kokule naapo e li paife, eshi a tungwa pashinanena ovalandifi vahapu ova panda ko, navali ovalondeki  novatwaalelwa ova hafela onhele ya manguluka nawa  ihe na ofina nomutwaalelwa keshe ota dulu ku mona ko osheendifo shoku mu fikifa apa a hala.

Kakele komalefa okuya koxulo yoshilyatelelo shile tamu dulu okulondwa kukeshe ou a hala okutala ewapalo lomutungilo wodoolopa yaShakati, a kala a teelelwa efimbo lile otaa pu paife. Nomukalo ou itau imbi    Elelo lodoolopa yaShakati la teelela pa tulwe elandulafano nghee oilonga tai ka longwa, liyandje efiku omatala taa  tameke okulongifwa. Vamwe vomovanangeshefa vomomudingonoko ova hala opo tapa di omatala va tunge po eengshefa dipe.

 

LEAVE A REPLY

Please enter your comment!
Please enter your name here