Aafuthi yeli-30 ya kwatwa po moku dhipaga oompanda noondjaba.  

0
222

ONGWEDIVA – Sigo oompaka okuza petameko lyaJuni 2015, aantu ye vule po-30, oya kwatwa po kopolisi mekwatathano nuufuthi wuulunga nedhipago lithitukuti yoompanda noondjaba mEtosha National Park nopomahala galwe. Otashi vulika oyendji taa ka kwatwa po natango mekwatathano nokudhipaga iinamwenyo mbika.

Uuyelele owa gandjwa komunambelewa omukonaakonindjai omukuluntu mopolisi yaNamibia, Ndjai Sebastian Ndeitunga. Ndeitunga okwa ti, omukalo gwokudhipaga iinamwenyo yoludhi nduka ogwa lulila oshikondo shegameno lyomidhingoloko negameno lyuushitwe, onkene epangelo olye yapo nondunge oshikondo shesiloshimpwiyu lyuushitwe nomidhingoloko shi  longele kumwe nopolisi okuza omwedhi gwayi ku konaakonwe uufuthi wiinamwenyo mokamba yiithitukuti mEtosha. Omukomukonaakoni omukuluntu gwopolisi yaNamibia oshiwike sha zi ko, okwa tumbula omiyalu dhaamboka ya kwatwa ya li 22, ngashingeyi oya thika po-30 tashi vulika omiyalu tadhi londo natango molwa uuyelele tau zi moshigwana.

Shika osha pupaleke iilonga yaapolisi taa kandeke uufuthi  woondjamba noompanda opo ya mone kutya, nuumvo oompanda 43, odha dhipagwa kaafuthi yuukongo, omanga 2014 kwa dhipagwa oompanda 28 noondjamba 78. Ta uvaneke kutya, opolisi otayi ki itahana iikundaneki siku tayi ka fumvula mo oompanda ndhoka dha fumvikwa.

Ndeitunga okwa pandula oshigwana sho sha gandja uuyelele kombinga yomahala gamwe pwa dhipagelwa oompanda e tadhi fumvikwa. Okuza petameko lyaJuni sigo ongashingeyi, aanambelewa yokukwatela po oveta nkee ya tamekele noshikonga shika inaku itsuwa we iinamwenyo ya dhipagwa.

Omunambelewa omukwatakanithi gwoshikondo shegameno lyomidhingoloko nuutalelipo Romeo Muyunda  naye okwa koleka kutya oshikonga shika oshe eta oshindji puuyelele, noshikondo otashi longekidha iikwathitho tayi longithwa kaanambelewa mEtosha. Ta gwedha po kutya, natango oshikondo otashi kumagidha aakwashigwana ye li pooha nondhalate yoshikunino yaa tete ondhalate, yo ya hulithe uukongo mEtosha. Oshikondo  shegameno lyuushitwe osha tula po ondhalate moshinano shookilometa 112, notashi  tsikile okuthitika ndjoka ya gwa pomoshinano shookilometa 800.

 

LEAVE A REPLY

Please enter your comment!
Please enter your name here