Aavali kutheni ombinga melongo lyaanona  

0
263

OSHIFUKWA –  Ngoloneya gwoshitopolwa shaShikoto Henock Kankoshi okwa kumike aavali yi itulemo melongo lyaanona yawo. Ekumiko ndika okwa li eli ningi sho a popi pegandjo lyomapapa ndyoka lyali lya longekidhwa moshikandjolongo Onankali pehulilo lyomwedhi gwayi.

Oosikola adhihe dhili moshikandjolongo shaNankali odhali dha gongala pOshifukwa dho dhi ninge oombangi okutala mboka taya pewa omapapa oshowo oonzapo. Aanaskola , aavali oshowo aalongi ayehe ya longa nawa oyali ya pewa oondjambi dhawo shi ikwatelela kwaashoka yi ilongela.

Ngoloneya Kankoshi pethimbo ta popitha engathithi lyaalongi naanaskola okwali a pandula ayehe ya holoka naayehe mboka ya ulike ohokwe mokuputudha omunona omuNamibia. Moshipopiwa she okwa kumike aalongi ya gandje elongo  lyongushu kaanona , yo ya kale aluhe ta ye ya pukulula mwaayihe ya pamba elongo.

“ Otandi indile aavali mwi itule melongo lyaanona, ne mu ya kwathele miilongwa yawo, kaleni aluhe hamu talelepo oosikola noku tala nkene aanona taya ihumbata komanongelo, tseni omukumo aanona ya  longe iilonga yawo yoskola pethimbo yo ya simaneke aalongi yawo, kaleni omeho nomakutsi  gepangelo ne mu kale mushi kutya aanona yeni otaya mono elongo lyongushu ndyoka lya pumbiwa komunona kehe,” Kankoshi ta ti ngaaka.

Ta tsikileko noku kumika aanaskola mboka yali nayo ya holoka mengathithi enene, yiitulemo miilonga yawo yo ya tseye uuwanawa mboka taya likola melongo, noshowo elalakano lyokuya koosikola. Teya indile opo ya kale yi ilonga sha esiku kehe, ongele okulesha iifonkundana noku konga omauyelele kombinga yiilongwa yawo koo intanet.Teya tsu omukumo ya kale aluhe haya pula omapulo kaalongi yawo mpoka kaa ya uvite.

Okwa gandja woo olupandu kaalongi  mboka yena oshinakugwanithwa shoku putudhila aanona elongo lyongushu, noku kwathela aalongwa mboka yena uunkundi woku ilonga, ta indile aanona ya longwe  manga yeli mepipi eshona yo ya kale yena euveko melongo.

Ngoloneya Kankoshi ta ti ombelewa yElelo lyaShikoto oyi ilongekidha okutalelapo oosikola noku tala nkene tadhi shi enditha melongo. Ta ti otaya kala noku gandja omakwatho mpoka taya vulu.

Aavali mboka ya longa nawa oyali ya pewa oonzapo, aalongwa nayo mboka ya pita niitsa yopombanda omumvo 2014 oyali ya pewa oonzapo noshowo aalongi oyali ya pewa oonzapo oombandi oshowo omakopi molweitulemo lyawo miilonga yawo. Oskola Rev Juuso Shikongo oyo yali ya longa nawa omumvo gwayi yi vule oosikola adhihe moshikandjolongo Onankali sho ya pititha aalongwa ayehe yehe ano ya pititha noopelesenda100.

LEAVE A REPLY

Please enter your comment!
Please enter your name here