Kuku gwaRuben a thindikilwa koyendji  

0
372

OLUTEYI – Omulongisikola omukulu Kuku gwaRubeni okwa thindikilwa kongundu onene yaalilasa kegumbo lye lyahugunina pegongalo lyawo Oluteyi Olyomakaya gayi.

Kuku gwa Ruben Ottilia Amukwaya Shaanika oye yina yOmuambasade gwaNamibia koCuba Omundohotola, Jerobeam Shaanika.

Omulongisikola nguka omukulu a kala a tseyika nawa kuku gwaRubeni okwa manene oondjenda dhe momasiku 23 ga Juni mepipi lyomimvo 88 nokwa li a fumbikwa pOluteyi Olyomakaya ga yi.

Kuku gwaRuben okwa sikola penongelo lyaakadhona moTsandi, nokonima okwali a yi koseminali yaalongi kOkahao hoka ali a mono onkatu yuulongi omumvo 1946.

Okwa li a tameke oshilonga shuulongisikola momumvo 1947 pOkahao, nokonima okwa li a ka longela posikola Epato oshoka oyo ayike yali popepi nomukunda Oluteyi hoka a hokanwa.

Nokonima okwa li gumwe gomaalongi mboka yali ya totopo osikola Oluteyi mpoka ali a longo sigo okwa yi moshipundi shevululuko.

Ondjokonona ye ndjoka ya li ya ngongwa nokuleshwa kOmusitagongalo Eliakim Kakeke Shaanika oye shi holola nkene ali ena ohokwe noshigwana oshoka nando ali a yi moshipundi shevululuko mo 1989 okwa li a tsikile nokukwathela unene tuu megongalo lyaLuteyi nomagongalo galwe ga ELCIN moshilongo.

Kuku gwaRubeni okwali wo gumwe gwaamboka yali ya pewa onkatu yoonakulwa aakulu molwuupendafule ali uulike pethimbo lyekondjelo manguluko.

Poshituthi fumviko opwa li pwa kala ongundu onene yaalongwa ye okuza koombinga noombinga dhoshilongo unene tuu muumbangalantu, euvithopopitho olya li lya ningwa kOmusitagongalo Ananias Iita.

Kuku gwaRupeni okwa thigako oyana yane, aatekulu yahetatu nokatekululwa kamwe.

LEAVE A REPLY

Please enter your comment!
Please enter your name here