Madeleen okuna oondjodhi oonene konima yesindano mEkulo

0
327

WINDHOEK-Madeleen Gurriras ontana yoomvula 17, ndjoka yali ya sindana oshikoloni sha Miss Ekulo nuumvo oya ti oyi na oondjodhi oonene dhoku kuthombinga momathigathano guukadhona dhingi gomoshilongo nogomuuyuni gayoolokathana.

Shika okwa li eshi popi konima yoku sindana po oshiindingili shika shali shaningilwa mosekundosikola yEkulo yili pooha dhOmuthiya Olyomakaya ya piti.

Madeleen okwa holola enyanyu lye enene nonando okwa  ti kali eshi tegelela, nokwali nokuli ewete afa eli mondjodhi. Ota ti shika oshe mupe omukumo opo a humithe komeho oshipewa she shoku enda pamuthika gwopombanda.

Madeleen okwa gwedha po ta ti ethigathano olyali lyakwata miiti oshoka kehe gumwe ali a kutha ombinga okwa lu  ta lalakanene okusindana po oshikoloni, oshoka aluhe ohapu kala owala omusindani gumwe.

Sho  a ulikwa onga omukadhona dhingi okwe shi kuthako onga eyambeko lyaKalunga kuye. Okuuvite wo uuntsa nuunambano sho a gwedhako koshihampi shiishani mbyoka a sindana nale. Madeleen oye ishewe ali asindanapo oshishani shokakadhona dhingi koNyambali JS mo 2013, ye ta sindana woo iishani iyali onga okakadhona okatiyali ano (2nd Princess), kethigathano lyokakadhona dhingi kOmuthiya Youth Expo momumvo o2013 no2014.

Ongulohi ndjoka yOlyomakaya ga yi enyanyu olyali lyiitilile mEkulo mono Madeleen ali a nyanyukwa pamwe naalongwa mboka yali yasindana pamwe naye ngaashi Sarah Kalumbu (1st Princess) naMaria Neumbo (2nd Princess).

Oto hala wu tye uuyuni auhe oko wali oshoka oosikola odhindji dhomonooli okwali dha hiwa nodhali dha nyanyudhwa koongundu dhoku danisa dha dhenga mbanda, ndhono dhali dha hiyika sigo opoonkogo dhombiga opo dhiye dhi mwenyeke oshiindingili shika. Omwiimbi goongalo dhomuthigululwakalo a tseyika nawa moNamibia Erastus Tsempo Dj Nkelo naye okwali wo ahiwa ashike ina ulika naana uunongo we ngaashi shito omolwa uunkundi womambako. Oshiindingili oshe endele nawa naMadeleen ota pandula aalongi sho haya unganeke noku yapa oompito opo ya ulike uunongo wawo. Okwa holola uufule we kutya okwa tokola okukalelapo osikola yawo momathigathano gatya ngeyika olundji.

Ota pandula wo aalongwa naalongi sho haye mu yambidhidha no teya kumagidha wo yiitulemo miilonga yawo yoskola ye ta halelele wo aagundjuka ayehe moshilongo eilongo lina Elago neitulemo lya tsa kesipa.

LEAVE A REPLY

Please enter your comment!
Please enter your name here