Tobias na Ambunda oyi ilongekidhila olugodhi

0
273

WINDHOEK-Opwa piti konyala oomwedhi heyali ngashingeyi sho enyakwa lyUuyuni mokubokisa nale lya Namibia, Paulus The Rock Ambunda a li molugodhi.Onkalo ndjika oyili pokuhulapo mbala ngele omalongekidho agehe oga ende nawa mwa kwatelwa okumona oshimaliwa sha tengenekelwa poodola oomilliona 3,5 dha Namibia. Iimaliwa mbika oyo ya pumbiwa opo oshiputudhilo shasimana shokudheula aabokisi sha Namibia, Nestor Sunshine Boxing Academy shi vule oku longekidha uudhano mbuka.

Ambunda okwa tegelelwa a kondjele oshishani  shaana mwene sholutu lwobokisa halu ithanwa IBO,mondjundo yo Super Bantam. Otaya ka kondjela epaya ndika nomubokisi omuArgentina, Leonardo Esperante pohotela yo Windhoek Country Club mesiku lyotango lyomwedhi tuuka.

Ambunda okwa kondja omalugodhi 23 moka a sindapo 22 nokwa sindika lumwe. Omalugodhi 16 okwe ga sindana nokudhenga sigo opehulilo lyomadhingoloko guudhano.Omudheuli gwa Ambunda , Nestor Sunshine Tobias okwa tegelela uudhano mbuka neinekelo, a ti omudheulwa gwe okuna ondjala nenota lyoku sindana ishewe. Okwa hala oku galula aayambidhidhi ye uuna a mono epaya ndyoka ngele okwa sindana pomuthika gwopaigwana  unene tuu sho nguka gwa kindja ethimbo alihe.”Kombinga yomalongekidho, tse otatu shi enditha nawa, eshongo ndyoka li tuli moshipala olyo owala ndyoka lyokukonga oshimaliwa opo tu vule okuya komeho nolugodhi nduka olunene.”Tobias a ti.

Okwa holola kutya omutengenekomwaalu gwiimaliwa mbyoka oAcademy hayi mono okuza koMTC gwoodola omilliona mbali oshinkwanu ntano ogwa pwapo nale. “Sho tuli mpaka otwa taalela okulonda ondundu onde mokugongela oshimaliwa shoomilliona 3,5 opo olugodhi nduka lu ninge lwoshili.

Tobias okwa nyenyeta ishewe oshikando shika kombinga yokwaakalapo kuuthemba wiimaliwa tayi zi mokuulika uudhano mbuka moTIIVII, ngaashi osho hashi ningwa koombinga adhihe muuyuni, oku kaleka uudhano woongonyo wuna omwenyo notawu yi komeho.”Onkene otwa thiminikwa okutala palwe okugongela oshimaliwa ,”osho Tobias a popi a geya.Opo ya gongele oshimaliwa MTC Sunshine Academy otayi ka kala nuulalelo wegongelo lyoshimaliwa poHotela ya Safari ongulohi yomasiku 24 Juli  mpoka oshitaafula tashi ka landwa koodola omayovi omilongo mbali.Pethimbo lyuulalelo mbuka aahikingalo yomOld Location yedhin a Dakota Township Jazz Band otaya ka imba mwa kwatelwa woo oyendji .

LEAVE A REPLY

Please enter your comment!
Please enter your name here