Uudhano wa Kapuka owa enda nawa

0
318

OHANGWENA-Ethigathano lyokomumvo lyuudhano woKapuka tournament mboka wali inaa wu vula okupwa mehuuliloshiwike limwe osho wa mono aasindani.

Osekundosikola ya Ponhofi oyo yili enyakwa lyuudhano wetanga lyokoompadhi noku toolapo ekopi ndyoka noombandi dhoshingoli.

Mwadikange Kaulinge okwali atoolapo ehala etiyali noombandi dhoshisiliveli, omanga Saint Mary`s Odibo High School oya li ye ya pehala etitatu nokutoolapo oombandi dhoshikushu.

V-Power Angels(Windhoek) oye enyakwa muudhano wetanga lyokoompadhi lyoomeme omanga Ponhofi Secondary School oye ali a kuthapo ehala etiyali na 21 Brigade Combined Club okwa li a toolapo ehala etitatu.

Muudhano waakuluntu oshitopolwa shElongo moshitopolwa Oshikoto oyo ya sindanapo uudhano wetanga lyokoompadhi, omanga NamPower(Ruacana) okwe ya pehala etiyali ye Further Fighters Veterans ta toolapo ehala etitatu.

Muudhano wetanga lyomokambamba Osekundosikola ya Haudano natango oya ulikile oosikola oonkwawo komutse gwondjamba sho yali natango yasindanapo uudhano mbuka woosikola nokutoolapo ekopi noombandi dhoshingoli.

Gabriel Taapopi okwe ya pehala etiyali omanga Ponhofi ali a kuthapo ehala etitatu.

Uukule Secondary School B oye enyakwa muudhano woVolleyball yoosikola omanga Ospana ya A yali yeya pehala etiyali ye Ponhofi teya pehala etitatu.

Oospana dhili 81 odhali dha kuthombinga motonamende ndjika momaudhano gayooloka naashika oshali shape okangundu longekidhi uudhigu oshoka uudhano mbuka inawu vula okupwa muule wehuliloshiwike limwe.

LEAVE A REPLY

Please enter your comment!
Please enter your name here