Uulema womagulu itawu mwiimbi a hike oongalo

0
278

ONGWEDIVA- Omunuulema gwoomvula omilongo 21 okwa tokola opo a ye meithano lyoku hika oongalo  a wape okuulika oshitalenti she nonando okuna uulema womagulu.

Petrus Gerhart ngoka a valelwa mOngwediva nokwa kokela woo mOngwediva okwa ti ohole yoongalo oya koko muye na okwa tokola opo a tameke okwiimba.

Gerhart ngoka eya mondambo nedhina Two Fresh okwa ti okwa kala nokufuulwa koongalo dhaahikingalo ooyakwawo nokwa tokola opo woo naye a tameke oku imba.

Nuumvo petameko lela okwa tokola opo a kale a shanga uungalo wuli omulongo ye a vule okuwu kwata nokupititha omusika ye petameko lya Desemba.

“ Ngame mwne ngashingeyi onda tokola nee opo ndi imbe oongalo dhoKwaito noshowo dhoHouse . Na oongalo dhandje otadhi ka kala tadhi longo uukadhona mboka itawu vulika kaakuluntu momagumbo,” Gerhart ati ngaaka.

Gerhart ngoka kali a sa ohoni okwiimba mombelewa ya Kundana okwa ti kutya ngashingeyi opuna uunona wuukadhona ihau vulika komalombwele gaakuluntu wumwe hawu yi nokuli kokule wu ka imangeleke ihe okwa ti kashili mondjila na okwa tokola opo ewu longe omikalo okupitila moongalo dhe.

Wumwe woo womoongalo dhe otawu ndungike woo oshigwana ashihe kombinga yokukalamweyo komuntu pethimbo lyongashingeyi.

Gerhart ngashingeyi okuli kOngandjera kuyinagona, hoka oko ta imbile omayimbilo ge .

Okuna uulema wokugulu kumwe ko kokulyo hoka okuhupi ihe okwati kostage okuliko ashike ta imbi ashike ita daanisa.

LEAVE A REPLY

Please enter your comment!
Please enter your name here