Vahapu va talela po ombelewa yoOmbudsman

0
239

ONGWEDIVA – Ombelewa yomupongololi womikundu mepangelo mewiliko lomushiiviveta John Walter, oya didilika omhumbwe yoshiwana moitukulwa ya yooloka moshilongo, onghee  okwa kundafana nomahangano eehahende a dule okutulapo efiku limwe leyakulo loshiwana sha pumbwa omauyelele nomayele opaveta oshali. Etitano ladjako ongudu yovashiiviveta ve dule 20 va dja komahangano a yooloka oya yandja omayakulo  opaveta oshali mombelewa yOmbudsman  yaNgwediva moshitukulwa shaShana.

Ouyelele ou owa yandjwa komunambelewa wondodo yopombada  mombelewa yoOmbudsman koWindhoek, Timothy Shangadi meenghundafana noshifo eshi. Okwa koleka enota loshiwana moipambele yopaveta, sha etifa ovashiiviveta va tale eshi ve na kwaalulila moshiwana pamukalo weyakulo. Okudja ongula fiyo opotundi onhi-13H00 ovashiiviveta ove li tukulila ovakwashiwana vahapu ve dule 100, va kala vehe shii apa tava mono omayele a pumba e na ondilo, opaveta oo mefiku olo vea pewa oshali, nande e na ondilo.

Shangadi ta yelifa kutya, ovashiiviveta ova yakula vahapu vena omaudjuu okuteya eehombo shina ondilo, vahapu ova pumbwa omauyele aapa tava dulu okumona ovakalelipo vopaveta ve va popile moinima ya yooloka ya kwatela mo okushanga omafyuululo, ehoololo lomupongololi mefyuululo, okupotokonona  eenhamanana dekondjelo ledu nomahepekafano omomaumbo. Ei,  oimwe yomoinima ya endifa oshiwana shi konge omayele paveta meenghundafana dopaumwene, omunhu ta pewa omayele e li mondjila.

Oshikando oshitivali omayakulo oludi eli taa yandjwa mOngwediva, oshikando shotete osha ningilwe muSepteba 2014, ongudu yovanambelewa ei oya yakula moTsumeb, Gobabis, Swakopmund, notava ka ya koMariental. Nande epangelo la longikida omutengenekwamwaalu novanambelewa va ka longe koitukulwa opo keshe umwe a kale popipei nomauyelele opaveta, omhumbwe yeenhele opo  tapa tungwa eembelewa ota yii moshipala eyakulo okufika komunhu keshe, ta ti, nande oshilongo sha tukulwa moitukulwa yopapolitika 14 eembelewa odi li ashike moWindhoek, koSwakopmund, Keetmanshoop nomOshakati omanga oshiiwana sha fyenota leyakulo loludi eli

Ombelewa yomupongololi woinima yepangelo ohai pwilikine omanyenyeto oshiwana kombinga yomayakulo haa yandjwa  meembelewa doikondo ya yooloka mepangelo. Amwe omahangano eehende taa hangwa keembinga dihapu doshilongo ngaashi; Santa, Legal wise, omahangano omakwashilipaleki haa dulu kukwafa noLegal shield. Ehoololo otali di komuyakulwa ou e na okuhoolola kutya,ota dulu okumona omukalelipo e na ombilixa.  Okwa dididlikwa oibofa ihapu inai pwa kutokolwa molwaashi eehofa inadi wana,ovapanguli ovanini momwaalu ovaetipo voihokolola  moshilongo ashishe ove li 160. Oshiwana osha pumbwa  oku  ninga posha ku kandulwepo owike wekalelepo paveta.

 

LEAVE A REPLY

Please enter your comment!
Please enter your name here