Aakiintu moshimpungu shomainyanyudho nEsiku lyOkugandja

0
230

WINDHOEK- Ekwatathano lyAakiintu moshimpungu shOmainyanyudho nenge[Women in Entertainment (WIE)] otali ka kala nesiku lyokugandja moshigwana pambelewa  pehulilo lyomwedhi nguka.

WIE ehangano lili mekwatelokomeho lyaasimani aakiintu aaNamibia, mboka haya shunithile oshigwana okukutha mwaashoka yena. Shika ohaye shi ningi okuegulula  omitima dhawo oshowo okulongitha omuthika mpoka yeli moshigwana okushi uvithako kutya osha pumbiwa okutseya oompumbwe dhaaNamibia noku kwatha mboka ya pumbwa ekwatho.

Ongoshinakugwanithwa shawo shopankalathano noshowo elalakano lyawo oku humitha komeho omadhiladhilo omawanawa, WIE okweyapo nedhiladhilo nenge oshilalakanenwa hashi ithanwa Esiku lyOkugandja, nelalakano okuninga ndika oshiningwanima shopashigwana omumvo kehe.

Omweetipo gwedhiladhilo ndika oSuzan Opute, ngoka oye omukiintu gwotango muAfrica ena ehangano lyokukwata oongalo, omunangeshefa oshowo omuntu omunamutimahenda. Opute okwa ti shika osho edhiladhilo lyomukiintu kehe eli oshilyo sho WIE.Ehangano ndika olyeetwapo  komadhiladhilo gongundu yaakiintu aagundjuka taya hokitha mboka ye shiningi oshinakugwanithwa shawo okulundulula omadhiladhilo nokudhiladhila kwomuNamibia kehe ngele tashiya koompumbwe nokomashongo ngoka ga taalela oyendji yaantu yaNamibia mboka yena oluhepo nenge mboka taya nyengwa oku ikwatha yoyene monkalo ndjoka yeli.

“Shika osho okudhimbulutha kutya uupyakadhi wa taalela omushiinda shandje owo uupyakadhi wandje, nomunona eli mostrata keena iikulya osho oshinakugwanithwa nomukundu gwandje, onkene tse otwa hala okudhimbulutha kehe gumwe kutya tse ongaantu otwa pumbwa okuthikama nokuutha onkalamwenyo yetu. Aakiintu moshimpungu shomainyanyudho oyena enwethemo enene moshigwana nomoshimpungu shika, yo aagandji yiiholelwa kaanona yaakadhona aagundjuka oshowo kaakiintu moshilongo ashihe, onkene shoka tashi inyenge mehangano ndika ngashingeyi oshooka kutya tse otatu  kutha enwethemo ndika noku ligandja koshigwana,” osho Opute a ti.

 

Mesiku lyokugandja ndyoka liliko momi-30 gomwedhi nguka omuNamibia kehe okwa indilwa opo a longe sha shoka shi li oshinakugwanithwa she shopankalathano, monkambadhala ya WIE yoku kumika aakwashigwana opo ya kale neuveko kutya “shoka shasimana ooshoka ngoye to longele oshilongo shoye ihe haashoka wa tegelela okulongelwa kusho”. Mesiku olyo tuu ndyoka WIE otaka palutha aanona yeli 3000 yaza moonkalo dha nika oluhepo oshowo okuya nyanyudha, nomusika, nokuulika iizalomwa yopethimbo, okuhokolola uutewo oshowo okulesha omahokololo.

“Shoka opoloyeka ndjika ya tegelela omuNamibia kehe nenge ehangano li ninge osho okulonga sha oshiwanawa shopankalathano eto shi tula pepandja lyEsiku lyOkugandja koFacebook’, osho a ti.

Ongundu ndjika yoWIE oya thikama maakondi yiizalomwa, aahikingalo yamwe yamwe, aatoolinkundana , aadhani moofilima oshowo omuningi gwookino elilepo oshikondo shoofilima. Ongundu ndjika oya koko okuza moshigongi oshishona shaningilwe manga ya li taya li oshuumbululwa noya ningi ehangano mokati kaakiintu yeli moshimpungu shomainyanyudho mboka yena ohokwe nohole yokunkondopeka oshowo yokweetapo elunduluko pankalathano lyomoshimpungu shiilonga yawo oshowo okuya pondje yiilonga yawo yesiku kehe.

“Tse otatu ka longa oshilonga oshinene sigo oompaka mokukambadhala okuhwameka oshigwana ashihe okutaambako ombepo neuveko lyokugandja.Mesiku ndika otatu ka palutha, otatu ka longa nokunyanyudha aanona 3000 yomomalukanda giipeleki mboka yeli monkalo yoluhepo. Otatu kumike wo omuNamibia kehe opo a longe oshilongayakulo shopankalathano noku shi nyola kepandja lyesiku lyOkugandja koFacebook nendhindhiliko nenge hashtag #DayofGiving.”

LEAVE A REPLY

Please enter your comment!
Please enter your name here