Aasindani yomapapa goNAMA ye ga pewa pambelewa

0
290

WINDHOEK- Okonyala pwa piti omwedhi guudha niiwike yontumba sho oshituthi shokugandja omapole kaahikingalo aaNamibia [NAMAS]shaningililwe moShiwakopo nuumvo. Egandjo lyomapapa ndika kalya li lya manithwa thiluthilu oshoka oondjambi dhaamboka ya sindana kadhali dha gandjwa pashimaliwa.

Oshiwike shayi aalongekidhi yoNAMA pamwe naakwashilipaleki oya li ya gandja oondjambi pashimaliwa opamwe nomasindano galwe kwaamboka yali ya pewa omasindano ngoka pethimbo lyoNAMA pOmbundu ya Kiiyala.

Aasindani oya li ya kuutumba neidhidhimiko noya tegelele oku pewa shoka yo ya li ya sindana pOombelewa oonene dhoNBC moshilandopangelo. Oya kala yiitegelela nokupulakena nawa noneitulemo sho omadhina gawo ga ithanwa kaawiliki yopolograma ndjoka, Pombili Shilongo na Ashwyn Mberi , mboka oyo ya li noshinakugwanithwa shoku ithana aasindani mookategory dha yoolokathana opo yeye komeho okutaamba shoka sheya nuninwa.

Egandjo lyoondjambi dhodhene pashimaliwa nosho tuu olya landula koshituthi shokutseyitha aasindani moongundu kehe dhomaludhi goongalo ndhoka hadhi hikwa kaahikingalo aaNamibia shoka sha ningililwe mendiki lyoSwakopmund Indoor Sports Centre poshilando shokomunkulofuta sha tseyika kaapopi yOshiwambo ongo Ombundu ya Kiiyala.

Omwiimbi dhingi omukiintu oshowo omulumentu noalbuma ndjoka kaakunawe yokomumvo oya sindana kehe gumwe ooN$100 000 omanga miitopolwa yilwe mboka ya sindana oya li ya pewa kehe gumwe ooN$30 000. Aasindana mokatopolwa kehe oya pewa wo ongodhi yoshinanena yoludhi lwoHuawei P6 Smartphone.

Omunashipundi pitithi gwoNAMA, Tim Ekandjo sho a popi pegandjo lyoondjambi dhaasindani okwa gandja ombili molwekateko mokugandja shoka shasindanwa.A ti okakommittee okali taka tala nawa kutya ayihe oya ningwa tuu shili mondjila.

Okwa ti egandjo lyomasindano ngaka kaahikingalo Aanamibia olyo limwe lya dhenga miikogo menenevi Afrika nomalongekidho otaga humithwa komeho opo ndika li ninge olyo kaakunawe muAfrika oshowo limwe lyomwaangoka dhingi muuyuni.

Pethimbo lyoshiithanene shika Ekandjo okwa popi kombinga yiikundaneki a ti. “Sho twa ningile NAMA omimvo dhapitipo, iikundaneki oye tu pe uusama omumvo aguhe anuwa sho inaatu longekidha nawa. Ihe ngashingeyi sho tweenditha ashihe nawa, iikundaneki oya shanga ashike esindano ndika lyetu uule woshiwike shimwe yo otayi mwena.Tse otwa hala wo okunyanyukilwa omahokololo omawanawa ndele ha ku uuva ashike omahokololo ngele iinima inayi enda nawa.’osho a ti.

Oshiithanene shika shali shaningilwa poostudio dho Namibian Broadcasting Corporation (NBC) oshali sha nyanyudhwa kaahikingalo opo taya holoka mondambo mwakwatelwa Young T, Paradox okutumbulapo ashike yamwepo.

 

LEAVE A REPLY

Please enter your comment!
Please enter your name here