Kambwa Trading a gandja omizalo kaalongwa  93

0
370

ONESI-Ongesefa yoKambwa Trading oya gandja omagano gomizalo dhosikola kaanasikola yoposikola  yElenga Enene Daniel Shooya Combined School oshiwike shayi.

Aanasikola omilongo 93 yoondondo okuza 1-3 oyo yamono elago ndika sho ya li ya pewa omuzalo gwosikola gwiihwapo kongeshefa ndjoka yili kohi yewiliko lya David David ngoka oye wo mwene gway.

Sho ali ta gandja oshali ndjika Kambwa okwa indile aalongwa opo yi itule melongo oshoka omo ashike muna onakuyiwa yili mondjila.

David okwa ti egandjo lyomagano ngaka kaanasikola olili oshitopolwa shehumitho komeho lyomidhingoloko moka ha ya landithile, na olili egandjo lyolupandu kaalandi mboka yeli esipa lyombunda kongeshefa yoshigwana Kambwa Trading.

Okwa ti ota ka tameka wo oku futila osikola uunona mboka tawu ka tothwamo kaalongi omumvo aguhe, ta ti shika ota shi ka kwathela okukaleka uunona owundji momanongelo.

David ta ti egandjo lyiizalomwa yosikola ota li ka tsikila sigo uunona auhe posikola wamono iizalomwa.

Okwa indile aalongisikola opo ya kwathele aanona noku ya kongela omakwatho gapumbiwa meendelelo oshoka oyo omeho goshigwana na oyo ye shi shoka tashi inyenge momidhingoloko dhoosikola dhawo.

David ta tsikileko ta ti ongeshefa yoKambwa oyi ilongekidha oku kwathela omunona omuNamibia kehe moshilongo.

Tatekulu Daniel Shooya ngoka eli Elenga enene lyoshitunda shUukolonkadhi okwa li agandja olupandu kewiliko lya Kambwa Trading sho lye ya ningile iinima iinene, na ota indile aanangeshefa aakwawo opo ya kutheko oshiholelwa shika oshiwanawa.

Kundana okwa kundana kutya aanona oyendji posikola mpoka oyeli moluhepo oshoka ohaya zi momagumbo gaakulupe.

Kambwa okwa uvaneke okukwathela osikola kehe kutya nee oyili peni moNamiba oshoka ongeshefa yo Kambwa oya thikamekwapo kaakwashigwana.

School-1

LEAVE A REPLY

Please enter your comment!
Please enter your name here