Oimaliwa yoikengelela

0
219

EENHANA – Opolifi yoshitukulwa shaHangwena otai kunghilile oshiwana shi kotokele ovakengeleledi voimaliwa yoikengelela yeenote doimaliwa yaNamibia  N$ 200, N$ 100 noN$ 50. Ouyelele owa yandjwa komupopiliko wopolifi yoshitukulwa shaHangwena sisande Kaume Itumba.

Itumba ta yelifa kutya, oukengeleledi ou owa tameka muJuli, neudo meedoolopa dihapu moshitukulwa shaHangwena omo ovakengeleledi hava longifa oimaliwa yoikengelela yaNamibia ngee kwa toka. Oimaliwa yoikengelela oya monika peenhele hamano moshitukulwa shaHangwena pomahooli opoNawa,  pOkahenge  mOndobe,  pOhangwena, mOmafo, Oshikango. Ovakengeleli ohava lande kwa toka noimaliwa oyo opo va pewe oshendja.  Okwa  kumaida ovashingi voutaxi va kotokele omafo haa futwa kovatwaalelwa oufiku, luhapu  ovakengeleli ohava yandje efo opo a pewe eeshendja. Kwaashi Itumba ota ti, , manga omushingi ina yandja oshendja komutwaalelwa na tale manga oimaliwa, shaashi ova lopela  ovanwefi vomahooli novalandifi meembaa.Itumba ote va  kumaida va tale alushe oimaliwa  keelamba manga inava yandja oshendja.

Omupopiliko wopolifi okwa pula oshiwana ngeenge sha shakeneke ovakengeleledi voimaliwa yoludi eli, vaa tangune vali navo, ndee va vakele ko opolifi. Osheshi mokutanguna navo otava mono  omhito yokufaduka po. Fiyo opapa opolifi inai kwata  nande oumwe waava shaashi ava va monika noimaliwa ei,  ova faduka po . Oimaliwa yoikengelela kai na okandjila  taka  vema , omitwe  daavo va fanekwa koimaliwa inadi fanekwa nawa, navali kai fike pamwe noimaliwa yoshili.

LEAVE A REPLY

Please enter your comment!
Please enter your name here