Okakadhonadhingi mesiku lyomainyanyudo gaanaskola

0
225

ONDEIHALUKA  – Nonande osho oshikando she shotango okukutha ombinga methigathano lyokakadhona dhingi  , Ndapandula David okwali eshi pondola sho a zalekwa oshishani ongo oye okakadhona dhingi mesiku lyomainyanyudho gaanaskola.

Ethigathano ndino olyali lya longekidhwa owina opo aanona aashona ya kuthombinga  mo mu tothwemo ngoka e vule yakwawo moku pungulula oonto. Methigathano omwali uukadhona owundji mbono waza moosikola dha yoolokathana.

David ngono ena owala oomvula ntano okwali monika e vule yakwawo mokuulika oshipewa she. David omulongwa moshikunino posikola pOmboto mOshikoto.  Ndahekelekwa Nandjembo naye okwali a sindana methigathana omo tuu muka sho a zalekwa oshishani sha 1st princess , omanga Georgian Shimundubo ha sikola kOmafo Mennonite Brethren Community School okwa sindanapo oshishani sho 2nd princess.

Omuunganeki gwethigathano ndika Riska Van Coller okwa ti oyali ya longekidha ethigathano ndika opo ya longekidhile uunona uushona noku wu tsa omukumo wu kale hawu kutha ombinga momathigathano guukadhonadhingi manga wu li mepipi eshona lela, wo wu kale wu shi nkene omathigathano haga kala.

Coller ta ti shino oyali yeshi ningi ongomalolelo noya mono kutya nani aanona aashona nayo ota ya vulu okustapa noku pungulula oonto nawa. Ta gwedhapo kutya oya thaneka omumvo ta guya ya ka ninge ethigathano tali ka kala lyopandjokonona mono aanaskola kuza pondondo yoshikunino sigo ondondo onti-12 taya ka thigathanapo unene mbono yeli aadhinwa poosikola oyo unene taya ka kutha ombinga noku thigathanapo.

Coller ta indile ayehe mboka yena ehalo lyokukutha ombinga momathigathano ngaa ngaka ya longithe ompito manga kuyele yo ya ulike iipewa yawo, ta ti shino otashi ke yapa ompito oku ka kutha ombinga momathigathano guukadhonadhingi moshilongo oshowo kondje yoshilongo monakuyiwa. Tati shino oyeshi ningi owala opo mboka ya kuthombinga ya gandje oshiholelwa oshiwanawa ku yakwawo noku ya tsa woo omukumo.

Okwa indile aavali ya tse aanona omukumo ya kale taya kutha ombinga miinyangadhalwa yosikola unene mbyono ya pamba omaudhano , yo ya kale taya vulu okulonga nokuulika iitalenti niipewa yawo mbyoka yena. Ta ti nawu kale tawu ulike iipewa yawo manga wuli mepipi eshona wo tawu tamekelwapo okudheulwa wu kale wa pyokoka nawa koomvula dhokomeho.

 

LEAVE A REPLY

Please enter your comment!
Please enter your name here