Omazuna goStardust otaga ka mwenyeka po Kalabar

0
220

WINDHOEK-Oontana dhanelende lyUugwanga ndhoka dha tseyika nawa nedhina Stardust, otadhi ka mwenyeka pehala ndyoka lyokulila nokunwina lyedhina Kalabar, lyathikama mohotela onene moshilando, Hilton, mEtitano ndika.

Muni Hoveka naBreanna Kandanga (Stardust), aakadhona mboka opo yali ya holokele mehangano lyoongalo omvula yaziko, nongashingeyi oye na   omakopi gatatu ongaahikingalo dhingi miitopolwa yoongalo ya yoolokathana. Shika oshali sha holoka pethimbo lyegandjo lyomakopi kaahikingalo dhingi aaNamibia (NAMAs) lya ningililwe moSwakopmund muMei nuumvo.

Aakadhona mbaka ya tseyika nawa omolwoongalo dhawo ndhoka hadhi nyanyudha noombwanawa oya tegelelwa ihe ya ka ulike uunongo wawo pamwe noongalo dhawo ndhoka dhaza moalubuma yedhina Stardust ya pitile noku ulikwa omvula yaziko, noyali ya humbata oongalo 10.

Oalubuma yawo ndjika oyo yimwe yali ye ya tulitha pomuthika gwopombanda ongaahikingalo aashona yadhenga mbanda. Noongalo dhawo dhina omulyo ngaashi Light, Stardust, noonkwawo dha gwedhwapo ndhoka ye dhi hikulula  dhaahikingalo yopondje yoshilongo, nadho otadhi ka imbwa ko Stardust ongulohi ndjika.

Nonando hapo lwotango ongundu ndjika tayi ka imba komeho gaantu, o Stardust oya kala noku imba noku ulika uunongo wayo mpaka naampeyaka, mwakwatelwa koNAMAs, hoka yali ya nyanyudha nokangalo kawo Light.

Oontana dhanelende lyuugwanga ndhika odha tsakanena moSwakopmund, pethimbo dhali adhihe hadhi  sikola kosikola yaanona yoSwakopmund Primary School. Nonando oyali yena uukuume wakola ayehe yaali oyali ya kwatwa  ko hokwe ndjoka yoongalo, moka yali ya tameke nokuli okuningulula oongalo dhaahikingalo yokondje yoshilongo ngaashi Rihanna, komapandja go Intaneta.

LEAVE A REPLY

Please enter your comment!
Please enter your name here