Omithigululwakalo moHangwena nonuumvo oko dhili

0
288

EENHANA : Omunambelewa mewiliko lyomalongekidho gomithigululwakalo mUuministeli wElongo moshitopolwa shaHangwena Jackson Shoova okwa tseyitha kuyele oshiwike shika kutya oshituthi shomithigululwakalo oko shi li nuumvo.

Shoova okwa ti oshituthi shopamuthigululwakalo osha totwapo kUuministeli wElongo opo oongundu dhomaudhano dhi thigathanepo po puze ndjoka hayi dhana iidhano yopamuthigululwakalo nokuulika uunyakwa wayo, ta ti oongundu dhimwe ohadhi imbi owala iiyimbo yopamuthigululwakalo dho dhimwe tadhi dhana.

“ Ohatu kala tuna oondondo dha yoolokathana mono oongundu dhilwe hadhi kala tadhi ulike iilikolomwa yadho, omathigathano ngano ogali ga tameke kiikandjohogololo ayihe mOhangwena pehulilo lyaMai nongashingeyi okwa thigala owala iikandjohogololo iyali oyo inaayi mana, notwa tegelela ngele ayihe ya mana tse tatu yi ihe pamuhanga opo oongundu ndhoka dha sindana kiikandjohogololo dhi ye dhi thigathanepo pashitopolwa ashihe,” Shoova ta ti ngaaka.

Omunambelewa nguka ta gwedhapo kutya omathigathano ngoka oga thanekwa ga ka kaleko  mehuliloshiwike lyomomasiku 13-16 Aguste nuumvo, tashi ka ningilwa posekundeskola ya Abrahm Iyambo pOshikunde, hono ya tegelela oongundu adhihe ndhoka dhali dha sindana kiikandjohogololo ayihe dhi kale dha holoka mo mu kaze ndjoka tayi ka kalelapo oshitopolwa shaHangwena ashihe komathigathano gopashigwana.

Mehuliloshiwike lya piti omathigathano ngaka goongundu ogali ga ningwa moshikandjohogololo Endola. Kansela Ferdinand Shifidi okwali a indile aakwashigwana ya simaneke omithigululwakalo, yo yedhi kalekepo ngaashi yedhi thigilwa  kookuku. Okwali woo a indile aakwashigwana ya simaneke iikulya niilikolomwa yOshiwambo, yo taya kala noku simaneka oonkuluhedhi oshoka oshigwana shaana omuthigululwakalo oshina onakuyiwa ya nika uunkundi. Oongundu ndhoka tadhi ka kalelapo oshikandjohogololo Endola komathigathano gopashitopolwa odho ngaashi Hamundjembo Kadhila, Shikudule, Ongha, Kamho Penduka oshowo Hangondji.

LEAVE A REPLY

Please enter your comment!
Please enter your name here