Osipana yaanuulema mOshana otayi longekidha uudhano woBasketball

0
240

OSHAKATI-Ewiliko lyomaudhano gaanuulema mOshakati ota li unganeke uudhano wobasketball mboka wa tengenekwa ta wu ka kalako mo mesiku 1 Aguste pehalandjandja lyo Yetu Complex.

Sho ali mekwatathano na Kundana Isack Nailenge ngoka eli omupopiliko guudhano mbuka okwa ti “elalakano lyuudhano mbuka olyo oku yambulapo omaudhano gaanuulema moshitopolwa, noku ulikila oshigwana nkene aanuulema haya vulu oku ninga po sha shomupondo ngele ota shi ya kiikwamaudhano”.

Ta tsikileko ati otaya ka longitha wo ompito ndjika oku etapo oshimaliwa shoka ya tengeneka okuka longitha mokulongulula okapale kobasketball hoka ngashiingeyi keli monkalo ombwiinayi.

Uudhano mbuka otawu ka dhanwa kaanuulema mboka yeli kuutemba na ota ya ka patulula uutemba wawo uupe mboka yali ye wu pewa kehangano lyomuuyuni lyomaudhano gaanuulema ano (Paralympics).

“Onkene ota tu indile ngoka wuna okashona opo wuye wu tu yambidhidhe opo tu vule okukwathela aantu yetu yena uulema moshitopolwa,” Nailenge ta ti.

Ota pandula ongeshefa ya Zula Wear sho yali ye ya kwathele noku opalekulula etata lyokapale kawo.

Okwa ti aantu yomoshitopolwa shaShana niitopolwa yopuushiinda oombwa dhakwata odhawo oshoka ota ye keya etela omainyanyudho kaakunawe.

LEAVE A REPLY

Please enter your comment!
Please enter your name here