Ya dhana oshituthitumo oshiti-145

0
413

ONDOBE  – Ongeleki yEvangeli paLuther moNamibia ELCIN nonuumvo oyali ya dhana oshituthitumo konima yoomvula 145, sha ningwa sho aatumwa Aasoomi yali yeeta evangeli pOmandongo moshikandjohogololo Onayena pethinbo ndiyaka.

Oshikandjongerki shUuzilo oshali nasho sha longekidha oshituthitumo shono shali shaningwa ehulilo lya ziko shaningilwa moshitayingerki shUumbangalantu megongalo Ondobe. Iitayingerki ayihe moshikandjo shuuzilo oshali sha kalelwapo mono omagongalo gali ga tuma aakalelipo yo yeye ya dhane oshituthitumo.

Oshituthitumo shika oshali sha kalwa kOmuwilikimbiisofi gongerki ya ELCIN Omundohotola Shekutamba V.V Nambala, aakwanepangelo oshowo aasita yomagongalo. Omundohotola Nambala pethimbo ta popitha aakwashituthi okwali a indile aantu ya longe oshilongatumo yo ya kale yena ohenda naantu ooyakwawo, oshoka Kalunga omushiti okuna ohenda naantu ayehe.

“Oshilonga shetumo osha kwatelamo iinima oyindji mbyoka Jesus eyi longo muuyuni, sho oshilongatumo oshina omalakano gi ikwatelela komalakanongudhi nga, shotango okutseyithila nokuthikithila aantu elaka lyombili, yo aantu ya ningilathane uuwanawa yaa hepekathane ihe ya kwathathane uuna yeli momaudhigu gonkalamwenyo, yo ya nyanyukilwe onkalo yokevi hoka omushiti eya shitilako,” Omundohotola ta ti ngaaka.

Okwa gwedhapo woo ati elalakano etiyali okutseyithila aantu ayehe euvaneko lyaKalunga kutya konima yeso lyokevi okuna natango etegameno lyomwenyo gwaaluhe. Ta ti ongerki ya ELCIN otayi lalakanene opo omushitwa kehe gwaKalunga a kale a yakulwa palutu nopamwenyo.

Amushanga gwEtumo moshikandjongerki Uuzilo Christian Shitutuma Iitope okwa li a pandula ayehe yali yeya koshituthitumo teya indile ya tsikile noku longa etumo oshowo okutaandelitha evangeli li thike koombinga adhihe dhuuyuni, yo ya longele Kalunga meudhililo. Ta ti aakriste ayehe naya tsikile okugandja omakwatho ku kehe ngoka ega pumbwa nokuthikitha elaka lyehupitho kooitaali ayehe.

Moshituthitumo omwali oongundu odhindji dhomalwiimbo ndhono dha kala tadhi mwenyeke. Okwali woo kwa ningwa oongalo mono iitayingerki yali tayi thigathanapo omolwa ekondjelo lyepandela negongelo lyoshimaliwa molwoshilongatumo. Oshitayingerki Uumbangalantu osho shali sha sindapo epandela nooN$416  598.00, oshitayi shaVenduka oshali sha sindanapo ekopi nooN$121 730.00  omanga oshitayingerki shaKongo sha pewa ombiimbeli sho sha gongele ooN47 378.00.

Mission- Mission-2

LEAVE A REPLY

Please enter your comment!
Please enter your name here