Young Gladiators ya dhengwa moDRC

0
207

Windhoek – Ospana yoYoung Brave Gladiators oyi na oku ilongekidha nawa opo yi shunine nokugalulila iikonene ospana yaakadhona yokohi yomimvo 20 yaDR Congo uuna mbaka taya ka tsakanena moVenduka iiwike iyali tayi landula.

Ospana yaakadhona yetanga lyokoompadhi yokohi yomimvo 20 oya li ya dhengwa kaakadhona ooyakwawo yoko DRC ookoola 4-0 medhingoloko lyotango muudhano wokupita opo andola mbaka ya ka kuthombinga muudhano wekopi lyUuyuni lyetanga lyokoompadhi lyaakiintu kohi yomimvo 20.

Muudhano mbuka wa li wa dhanenwa moDRC ospana ya Namibia oya li ya tulwa ookoola 3-0 omanga aadhani inaa ya ya pokafudho kopokati kuudhano. DRC okwa li a tula Namibia okoola yotango konima ashike yominute sho uudhano wa tameke. Omutulimo gwokoola ndjoka oye Nathalie Boyengwa ye Joelle Mwadi okwa tulamo okoola ontiyali  konima yominute 13 omanga okoola ontitatu ya tulwamo ku Flavie Mawete mominute 44.

Mwadi okwa ka thangelamo okoola ye ontiyali konima yominute hamano sho edhingoloko etiyali lya tameke naashika osha pe DRC ookoola 4-0 pethimbo lyuudhano mboka wa dhanenwa pokapale ka Tata Raphael moKinshasa. Uudhano mbuka woCAF waakiintu yeli kohi-20 otau dhanwa ongo osheelo okupita opo ospana ndjika yi vule oku kadhana muudhano wekopi lyuuyuni lyoomeme moConfederation of African Football (CAF), moka oospana ndhoka dhili pombanda tadhi ka kuthombinga muudhano wahugunina moPapua New Guinea.

LEAVE A REPLY

Please enter your comment!
Please enter your name here