Miss Facebook a piti ko

0
479

WINDHOEK-Omalongekidho omanene getseyitho neuliko lyomukadhona dhingi Miss Facebook gwonuumvo osho ga tameke.

Aakadhona aawanawa mboka ya hala okuka kuthombinga methigathano ndika otaya hiwa opo ya ninge omaindilo gawo omanga omasiku 14 gomwedhi tuuka inaaga thika.

Aakadhona mboka ayehe taya ka ninga omaindilo na ya kale nee we li pokati koomvula 16-25 yo naya kale inaa ya hokanwa oshowo inaa ya mona uunona. Aakadhona oya pumbwa wo okukala aakwashigwana yaNamibia.

Etseyitho neuliko lyomukadhona dhingi ndika otali kaningilwa mOluno Community Hall, momasiku gatano gaSepetemba nuumvo.  Kakele ashike koshiindingili shika oshinene, otapu ka kala ishewe omainyanyudho ngoka taga ningwa kaakadhona mbaka ngaashi okuyoga oohauto ya zala uubikini, eyotho lyonyama sho omatseyitho gethigathano ndika taga taga ningilwa monooli.

Ehuku lya Miss Facebook okweeta aakadhona mbaka pamwe opo ya ulike uunongo wawo pamwe nayakwawo, na ishewe opo yiimonene oompito dha yoolokathana oku kuthombinga momathigathano omanene ngaashi Miss Namibia.

Oofoloma ndhoka tadhi ka udhithwa opo omukadhona a kuthombinga otadhi ka adhika poHarmony Bar  mOndangwa, Mapolo Entertainment Ongwediva,  777Bar Ohangwena nenge ko email yomissfacebookannualsportbonanza@gmail.com.

LEAVE A REPLY

Please enter your comment!
Please enter your name here