A findikilwa kengafifi linene

0
249

WINDHOEK – Omupolifi woshilando shaWindhoek Manfred Gaoseb womido 34, a findikilwa kengaffifi linene lovapolifi pepako la ningwa pambelewa okuulika oufule waye mokwaamena oshiwana nokukwatela po oveta nelandulafano. A longa ashike eedula hamano moupolifii woshilando shaWindhoek okudja muMaaisa 2009, Gaoseb okwa fila moilonga youpolifi woshilando mefiku etitatu lohani ei.

Ouyelele wopolifi otau ti, nakufya Gaoseb pamwe navakwao vavali ova ngwadjulwa ketuwa la li tali shingililwa komufekelwa a kolwa ou, konima yoshiponga a ka fikama eemeta doule woshinano shonhumba okudja poshiponga sha ningilwa mepandaanda laSam Nujoma moHochland Park. Epako la ningilwa pomaendo aGammams moWindhoek Olomakaya ladjako ola li omhito i nyikifa unene oluhodi kovanashilonga vakwao, okuulika oufule waye neliyambo moilonga youpolifi, okukwatela po oveta nelandulafano oshoyo okwaamena oshiwana.

Pepako pa li ovanambelewa vopolifi veendodo da yooloka, omukulunhu womatanga opolifi yoshilando shaWindhoek Abraham Kanime okwa twa omufindo kefimano loilonga youpolifi nghee i lile po okwaamena oshiwana, okukwatela po eeveta doshilongo nomupolifi nghee a teelelwa a kale ei longekidila keshe shimwe tashi ya po e li moilonga efimbo keshe. Kanime okwa tumbula nghee edina laGaoseb li na okutwikila nokudimbulukiwa, eshi opolifi yoshilando tai ka dika po onhele yowina tapa tulwa omadina omapendafule ovapolifi ve liyambela eemwenyo davo mokwaamena oshiwana opo yoo tapa tulwa nedina laGaoseb.Pefimbo opo tuu opo omunambelewa omukulunhu wopolifi yoshilando Kanime okwa yandja oshikwamo sha nakufya kovakwanedimo.

LEAVE A REPLY

Please enter your comment!
Please enter your name here