New Generation a kwafela eefamily da pilwa omaumbo

0
255

Lüderitz – Oprojeka yedina New Generation, oyo hai yambidida oshiwana unene tuu modoolopa ya Lüderitz, oya yandja omakumbafa,  oikutu noshoyo omakutu oufila kee family dili nhee, odo da pilwa eebashu dado mOsoondaha yo-12 Juli 2015, molukanda Amilema modoolopa ya Lüderitz.

Etine loshivike shaya omukwateli komesho wo New Generation meme Lisa Du Toit okwa twaalela ovakwashiwana ava omakwafelo. Okwe va twaalela omakutu oufila wepungu eli a nhee eekilograma 12 keshe ekutu, omo keshe obashu ya mona ekutu limwe ,oshoyo omakumbafa eli anhe , noikutu opo veli topolele.

Oprojeka ei yo New Generation oya totelwepo modula 2010 , muna ovakainhu veli vanhe. Pauyelele oo wa yandjwa ku meme Du Toit okwa tumbula kutya voovene ohava tonatele ounona vokolukanda lo Area 7 mo Lüderitz, oko ha va havaleke ounona osopa, have shiningi luvali oshivike keshe, Omaandaha nEtine keshe.

Nonande va hovelele noudjuu, eshi vali hava kufa meendjato davo vene nokupalula oshiwana shokomongula, meme Du Toit okwa tumbula kutya hewa osho ngaa vaka mona omavatelo.  Ta tumbula kutya iha kwafele ashike oshiwana moku telekela ounona osopa , ndele ohava dulu yoo okuvatela ovanhu poumwene, ngaashi okuyandja outemba voku endifwa kwaavo vena omhumbwe, osho okuyambidida ovo veli momhumbwe ngaashi eefamili odo omaliko noikulya yavo aishe ya halakanifwapo komundilo eshi eebashu adishe dili nhee dapyapo.

Oonakupewa omaano oludi eli ongee oikumbafa ile oufila oshoyo oidjalomwa ova pandula neenghono koprojeka ei yo New Generation, ta va tumbula kutya oporojeka yoludi lili ngaha nai twikile noku yambidida naaveshe, ovo ta veke li hanga vapumbwa ekwafo ngaashi olo va ningilwa.

LEAVE A REPLY

Please enter your comment!
Please enter your name here