Ours Gym ta kwatha uudhano woVolleyball mOndangwa

0
261

ONDANGWA-Opolohalama yomapendulepo guudhano woVolleyball ndjoka yali ya dhikwa moshilongo omvula yazako no ya tseyika nedhina African Dream Project mOndangwa ya mono omayambidhidho ga gwedhwapo okuzilila ko Ours Gym mondoolopa ndjoka.

Okalaba ndjika hayi dheula uunona uushona noku wu putudhila uudhano wo Volleyball mongashingeyi otayi ka kakala hayi ithanwa Ours Volleyball Academy.

Uunona otau ka mona omadhewo goshali pendiki lyo Ours Gym iikando iyali moshiwike opo ya vule okutunga nawa omalutu gawo pamadhewo.

Omukwateli komeho gwendiki lyo Ours Gym, Hedison Nghipondoka a tseyika nawa Bulelo okwa ti, elalakano lyawo olyo okumuna iiyimati yoVolleyball tayi vulu oku dhana pamuthika gwopauyuni.

Tati ngele uunona owa kalekwa wiipyakidhila nomaudhano okuza pomimvo dhopetameko nena omiyalu dhuunona womomapandaanda okwa tegelelwa dhi ka shune pevi.

Opolohalama ndjika ohayi pewa omadhewo ku Miryam Naanda pOndangwa nando ka ya li yena ehala lili pamuthika mpoka haya ningile omadhewo.

LEAVE A REPLY

Please enter your comment!
Please enter your name here