Omaulikilo outemba vokudana oudano womokambaba mOshakati

0
231

ONGWEDIVA – Ospana youdano wetanga lomokambana yovanhu ovo veli moutemba omolwa oulema yedina Oshana Wheelchair Basketball Team, exuliloshivike lefiku 01 Aguste neudo, otai ka ulika outemba vayo vape vokudana oudanano womokambaba.

Kouyelele oo wa yandjwa komunambelewa woiniwe mospana Temus Festus, ongudu yavo oya pewa epitikilo koBMR properties opo i ulike outemba vavo vape, ve shi ningile poYetu Complex mOshakati. Kakele koku ulika outemba, ava otava ka ninga yoo oinyangadalwa, oku ongela oshimaliwa shokulongulula nokuwapalekulula okapale koudano womokambaba.

Temus okwa ti nonande ehangano lavo la pandula eengeshefa dedina Zula Wear olo leva kwafela oshimaliwa okuwapaleka etata lokapale kavo, ove lineekela kutya oshiwana ota shi ke va kwafela moshinyangadalwa shavo, osho ota shi ka vatela okulongulula etata olo la xupa ko.

Osipana yOshana Wheelchair Basketball odula yadja ko oya li ya pewa outemba vayo ovo vopashinanena valongelwa owina oudano womokambaba. Outemba ava ovali veva pewa kokomitee Namibia Paralympics yopashiwana.

Oshana Wheelchair Basketball Team yomOshitukulwa oili oshilyo shOshana Heroes Sport Club oyo ili imwe yomeeclaba dakula moshitukulwa, unene ngeenge tashi uya koudano womokambaba. Ospana ei oili yoo oshilyo shehangano lOshana Region Disability Sport Association.

 

 

LEAVE A REPLY

Please enter your comment!
Please enter your name here