Ongwediva City, Tropical Heat ya yi moNorth West First Division

0
225

TSUMEB-Osipana yOngwediva City ehuliloshiwike lyaziko oyali ya patulula epandja epe mondjokonona yayo sho yali yeshi tompola oku ya ko First Division nando ya li yeshi ningi mokulonga nuudhiginini.

Ongwediva City oyali ya patulula uudhano wawo nosipana yo Tropical Heat moka oosipana ndhika dhali dhi ithigi othika 0-0, Pubs United okwali a hanagulapo  Blue Birds nookoola 5-1.

Medhingoloko etiyali Ongwediva City oyali ya dhenge Blue Birds 3-2 omanga Tropical Heat ali a dhengemo Pubs 2-0, Tropical Heat okwa li a goyoko nesindano sho ali adhenge Blue Birds 2-0.

Esindano lya Tropical Heat olya li lyeya tula koontuni sho yali yena iitsa iheyali nosipana ashike yimwe yali tayi vulu oku ya adha, oshoka Ongwediva City okwali ena iitsa ine omanga  Pubs ali ena ashike iitsa itatu.

Ongwediva City oyali yayi muudhano wawo wahugunina no Pubs ye shi shi kutya kaya li ta ya vulu nando oku kanitha uudhano mbuka oshoka shika oshali tashi ka eta ondjodhi yawo pehulilo oya li ashike yapumbwa oshitsa shimwe.

Uudhano pokati kOngwediva City no Pubs United ka wa li tawu nuwa omeya oshoka oosipana adhihe odha li dhina ompito yaandjuka okuya koliha yoFirst Division ngele odha sindana.

Nando oosipana ndhika odhali tadhi ponoka uudhano mbuka owali wa hulile mokudhana shithike pamwe 0-0, Ongwediva City oyali yamono iitsa yili itano omanga Pubs United ali a mono owala iitsa ine naashika osha li sha pe Ongwediva City ompito yokuya ko First Division opamwe no Tropical Heat.

Uudhano mbuka ohawu dhanwa koosipana ndhoka dha sindanapo ooliha miitopolwa ngaashi Omusati, Oshana , Otjozondjupa,na Kunene, na owa li wa dhanenwa moTsumeb ehuliloshiwike lyazako.

LEAVE A REPLY

Please enter your comment!
Please enter your name here