Oshiindingili shomukadhona dhingi mOshikoto

0
256

ONDANGWA – Okwa longekidhwa ethigathano lyomukadhona dhingi moshitopolwa shaShikoto nuumvo kaagundjuka yomoshitopolwa shoka opamwe naanangeshefa yaza koombinga adhihe dhoshilongo.

Gumwe gomaalongekidhi yethigathano ndika okwa holola kutya okwa thanekwa ndika li ka kaleko mehuliloshiwike tali ya ano mOlyomakaya yesiku lyotango lya Aguste, tashi ka ningilwa mondoolopa yaMuthiya.

Erica Gatawa okwa hokolola kutya oyali ya longele kumwe opo ye yepo nethigathano ndika lyotango mOshikoto mono aakadhona taya ka kuthombinga noku ulika iipewa yawo. “ Otwa thaneka methigathano muka mu ka kuthwe ombinga kaakadhona yeli 20 ashike sigo oompaka opuna owala omulongo-12 oyo yi ishangitha noya hala okukutha ombinga,” Gatawa ta ti ngaaka.

Okwa gwedhapo kutya otaya indile aakadhona koombinga adhihe dhoshilongo mboka yena ehalo okukakutha ombinga ya kale yi ishangitha manga kuyele, aakadhona mboka ya tegelelwa ya ka kuthombinga oyeli pokati koomvula 18-25, Gatawa  ta holola kutya oyendji mboka ya ulike yena ehalo noya hala okukutha ombinga oyeli kiiputudhilo yopombanda, noya tegelelwa ya kale ya holoka mehuliloshiwike olyo tuu ndyoka.

May Hikumwah goshinyanyangidhwa sho Elegence Magazine okwali eshi yelitha kutya elalakano lyethigathano ndika okunyanyudha aaNamibia nokuhanganitha aakadhona mboka taya ka kuthombinga yo ya ulike iipewa yawo unene ngele tashiya pomathigathano goludhi nduka.

“Okakadhona dhingi otaka ka mona omagano ogendji, otaka ka futilwa oskola uule womvula ayihe,otaka pewa ethano oshowo oshimaliwa shooN$5 000 shono tashi kwathela osikola mpoka nakusindana eli,”Hikumwah ta ti ngaaka.

Okwa gwedhapo woo kutya elalakano okuyambulapo oshitopolwa shaShikoto pamangeshefelo, pamithigululwakalo oshowo paliko.  Esiku lyoshiindingili okwa tegelelwa aapopi yoondondo dha yoolokathana ya ka kumike aanaskola  oshowo okugandja omukumo kaanangeshefa aashona, yo yi itule mokutotapo oongeshefa dhawo.

Otaku indilwa kehe ngoka wuna ehalo wu kale wa holoka wu tale shoka tashi ningwa esiku ndyoka. Aahikingalo aaNamibia otaya ka nyanyudha pethimbo lyoshiindingili, no kwa tegelelwa ku ka kale omainyanyudho omawanawa. Taku indilwa aakadhona mboka natango yena ehalo noya hala okuwayimina yakwawo methigathano ndika ye shininge mbala.

LEAVE A REPLY

Please enter your comment!
Please enter your name here