Uuthigona otawu hepeke sigo omombila

0
334

AMALIKA- Nonando oshilongo oshamanguluka omimvo omilongo 25 ngashingeyi, aaNamibia yamwe onkee ngaa taya fumbike aakwanezimo yawo esiku yasa momalapi molwashoka itaya vulu okulanda iiketha yaasi.

Aayelele mboka ya hogolola ya ithanwe Aakwankala yokomukunda Amalika, moshikandjohogololo shaTamanzi moshitopolwa shaMusati oya ti kutya molwoshitopolwa shawo shadhimbiwa, aantu mwa kwatelwa aakulupe mboka haya kwata openzela olundji ngelel oya si ohaya gonyenwa momalapi noku fumvikwa ngaaka.

Mwene gwomukunda gwaAmalika okwa ti yo otaya piyaganekwa komukalo gwonkalo yonale ndjoka aakwanezimo yawo taya fumvikwa esiku taya si oshoka ka kuna omakwatathano okuza moshilongo okuya muyo mokuti.

Simeon Kesheele mwene gwomukunda ngoka okwa ti kutya okuza puDesemba sigo omEtiyali oshiwike shika  sho Kundana atalelepo oshitopolwa shoka,  omwasa aantu ye vulithe pomulongo mwakwatelwa aakulupe mboka yena iiketha yawo yo yene ihe oya fumvikwa ashike momalapi esiku yasa nenge lya landula.

“Molwaashoka ondjila ombwiinayi, ko ka kuna omakwatathano gasha nena ito vulu okukala nomudhimba gwa olela megumbo,” Kesheele ati ngaaka.

Kesheele ngoka ali ta popi neyambidhidho lyamushanga gwe Tilie Iipinge  okwa ti kutya nonando omilandu adhihe oyedhi shi ohaye dhi uvu moradio uuna yedhi tsilika pombanda puule, onkalamwenyo otayi ya thiminike ya fumvike aantu momalapi.

Onkalo ndjika oyali ya kolekwa ku Kansela gwaTamanzi, Johannes Iiyambo ngoka ati onkalo okuyishi ashike okwa ninga ngaa onkambadhala oshitopolwa she shi mone oopate noshowo etenda lyoNetwork ,aakwashigwana ya kale yena ekwatathano oku dhengela kombelewa ya kansela .

Oya ti kutya shika osha etitha aantu ya fumvikwe kaaye na oonzapo dhomaso sho tashi kala ishewe sha tula oothigwa momaluhepo oshoka kadhina oonzapo dhomavalo noonzapo dhomaso dhaakuluntu yadho opo dhi vule oku shangwa nande iimaliwa yoothigwa.

Ashike Omupevi Minista gwomihoko dhamona iihuna ngaashi Omitwe, Aayelele  noshowo Aadhimba okwati omaudhigu okwe guuva na otaka shanga omushangwa guuka kombelewa yomupresident gwoshilongo Hage Geingob .

 

LEAVE A REPLY

Please enter your comment!
Please enter your name here