Big Brother Africa 2015 ita kala ko

0
256

Opolograma ndjoka hayi thaneke nokutuma omathano mombepo pethimbo ndyoka yedhina Big Brother Africa (BBA) nuumvo itayi kalako.

Aalongekidhi yopolohalama ndjika yokoTiivii oya ti etokolo okukaleka opolohalama ndjika olya ningwa molwashoka kapena akwashilipaleki pashimaliwa.

Aalongekidhi yopolograma ndjika ihaa yi kala yaana uusama,Africa Magic na Endemol ina ya vula okumona aakwashilipaleki molwopolograma ndjika nuumvo anuwa.

Omuwiliki gwa Multichoice Ghana, Anne Sackey okwa koleke shika Osoondaha ya yi kutya Multichoice Ghana okwa taamba etseyitho okuzako MNET kutya Big Brother Africa gwo nuumvo ita vulu okuningwa.

Okwa fatulula  kutya MNET ina gandja omatompelo kutya omolwashike itaa ku kala Big Brother Africa nuumvo, ndele ye paumwene ota dhiladhila kutya okwaana aakwashilipaleki otashi vulika oko oshiimbi shoka sha kalekitha opolograma ndjika nuumvo.

Omumvogu   uudhano wa Big Brother  uuti-9 owa li wa undulilwa komeho nomwedhi gumwe konima sho ostudio yaSasani ya li ya pipo komulilo ngoka gwagandja ekanitho lyiimaliwa oyindji. Endemol Shine Africa okwa tindi okupopya kutya eyonuko ndyoka lyeetwa komulilo ngoka olyongushu yithike peni,nokwa lundululile uudhano mbuka kegumbo lilwe.Kali ishewe a popi kutya osheeti shomulilo osho oshike.

 

Omalunduluko inaaga tegelelwa moompango dhoovisa dha South Africa oshowo oompango kombinga yuutile wuuvu woEbola owa fala  sigo oompoka kutya aakuthimbinga moBig Brother ya za koGhana  oshowo ko Sierra Leone ina ya ziminwa ya joine uudhano woBig Brother molwashoka okwa li kwa tilika kutya otashi vulika yeetelele omukithi gwoEbola okuza kiilongo yawo.

Omumvo  gwa yi pethimbo lyeuliko lya  Big Brother Mzansi oochanel dho Mzansi Magic noshowo ndjoka ya Big Brother omudhani gumwe gwomulumentu megumbo okwali a kuthwamo  konima yokudhenga omukiintu ngoka ali wo omudhani mopolograma ndjika.Oshinima shika M-Net okwa li eshi luku oshiningwanima shiilile kokutya osho ashike shimwe itaashi ka endululwa.

Mu Apilili nuumvo mo Big Brother Mzansi omwa ningwa woo iinima iiwinayi mbyoka yagandja ethano ewinayi sho anuwa omulumentu gumwe ali popi pombanda kutya okwa lala nomukadhona gwomegumbo omanga ngoka a li a kolwa nayi keeweteko ,omukadhona nguka okwa kala a kuminwa nokwa tilithwa koshinima shika sho uuvu ehokololo ndika.

Endemol Shine Africa okwa ka tidhamo mbaka yaali methigathano ndika omolwa omaihumbato giipala.Oshinima shika osha pethitha M-Net naMultiChoice uusama  molwa ethigathano ndika kutya ohali humitha komeho omauliko gena elongitho lyoonkondo guukithwa maakiintu.

M-Net nehangano ndyoka lyali tali thaneke opolograma ndjika oya li ya ti otaya ka konakona nokungambeka elongitho nayi lyomalovu.

 

LEAVE A REPLY

Please enter your comment!
Please enter your name here