Brother Stofy ote shi enditha nawa moongalo

0
231

ONYAANYA-Abel Martin a tseyika nawa Brother Stofy, onkene ta tsikile noku pukulula nokutaandelitha elaka ewanawa okupitila moongalo dhe dhopambepo ndhoka ha imbi nuukeka.

Brother Stofy okwe shi pondola okupititha oalubuma ye ontine yopambepo ndjoka tayi ithanwa Cover Me Lord, tayi shi enditha nawa mewangandjo pethimbo ndika. Oalubuma ndjika oyina ehwata lyoongalo omulongo, natango ndhoka adhihe dhina oongalo dhopambepo.

Wumwepo womuungalo mbu tawu nyanyudha aapulakeni no itawu thigi omuntu momutumba molwiikwelengendji yadhenga mbanda nongowela ombwaanawa ongaashi Andi hambelele Omwene, Cover me Lord, Bonge Jesu na Amenenge Omwene, okutumbulapo ashike wumwe.

Brother Stofy ota ti owundji womuungalo we owuna uuvidio wawo. Brother Stoffy keshi owala omwiimbi ashike okwa pyokoka wo mokunduluka iikwelengendji yoongalo nokudhikwatitha, ye wo omuthaaneki dhingi gomathano nuuvidio, shoka he shi ningile mehangano lye lyoStoffy Records.

Nehangano lye ndyoka lyokunduluka oongalo olili lya kwathela aahikingalo oyendji aashona unene yomomudhingoloko gwOshakati nOngwediva ngaashi Achu Boy, Papa Imanuel, Thommie, Brother David nayakwawo oyendji.

 

LEAVE A REPLY

Please enter your comment!
Please enter your name here