Karate-Zen tayi ilongekidhile omathigathano mu Septemba.

0
278

ONGWEDIVA-Okalaba yo Karate-Zen yo mOngwediva ota yi idheula omutenya nuusiku opo yi ka adhe omasindano muudhano wa tegelelwa ta wu ka kalako mu Septemba nuumvo moNooli.

Mwene gwokalaba ndjika Shiahan Freddy Mwiya okwati ethigathano ndika ota li ka kala enene mondjokonona yuudhano mbuka koNooli yoshilongo onkene aantu naya kale ya tegelela nawa oshoka mbuka otwu ka kala wa kwata miiti.

Uudhano mbuka wokarate ohawu dhanwa kaantu taya umbu omalunwa, na owuli ta wu koko nando wa kala wa fa waa shiwike noku hokiwa nawa monakuziwa.

Mwiya okwa ti oshasimana okulonga uunona uudhano mbuka oshoka ohaulongo aantu iinima oyindji ngaashi evuliko,omikalo omiwaanawa, ta ti aantu mboka yi ilonga okarate oyeshi omikalo dhokwiigamena ngele yi iyadha monkalo yanika oshiponga, unene tuu oomeme mboka olwindji haya ningi iihakanwa yomakwato koonkondo ota ya vulu okwiigamena yoyene ngele yi iyadha monkalo ndjoka.

Oyendji yomaavali mboka haya eta uunona wawo komadhewo goKarate oyali ya holola enyanyu lyawo sho uunona wawo wuna sha shokuninga no ihau mono we ompito yokukala ta wu endagula momapandaanda moka muna onkalo ya piyagana.

Uudhano mbuka ota wu ka eta pamwe omanyakwa goKarate okuza koombinaga ne dhoshilongo opo omakondombolo ge ye galye ehete moNooli.

LEAVE A REPLY

Please enter your comment!
Please enter your name here