LL Namibia Phosphate a yandja omaano ku!Nami#nus

0
205

Lüderitz – Ehangano lo Lev Leviev Namibia Phosphate ola yandja omaano omatalashe oshoyo omakumbafa oshivike shaya ku Kansela woshikandjohoololo sha !Nami#nus Jan Scholtz , opo aka topolelwe ovanhu ovo veli momhumbwe pefimbo eli loutalala moshikandjohoololo.

Omukwatelikomesho wo LL Namibia Phosphate, Kombadayedu Kapwanga okwa tumbula kutya, omakumbafa eli omulongo osho yo omatalashe eli omulongo, ove a yandja ku Kansela Scholtz , oo eshii ovanhu ava veli lela momhumbwe vomoshikandjohoololo shaye. Kapwanga ta tumbula nelineekelo kutya,  ombelewa ya Kansela otai kafya oshisho opo ikale ya topolela ovanhu ovo veli momhumbwe yomakumbafa no matalashe pefimbo eli loutalala, moshikandjohoololo.

Mokutambulako omaano oludi eli Kansela Scholtz okwa pandula neenghono ehangano lo LL Namibia Phosphate eshi la kwafela oshiwana shomoshikandjohoololo shaye, ta tumbula kutya omatalashe nomakumbafa oo ayandjwa kombelewa yaye otaa ka topolelwa diva, ovo veli momhumbwe. Scholtz ta tumbula kutya otaa ka havaleka   ovakulupe, oshoyo eefamili dili nhee odo dapilwa omaliko ao aeshe omwedi ou, molukanda la Amilema modoolopa ya Lüderitz.

Scholtz ta indilie omahangano makwao ,taa longele  moshikandjohoololo opo akufeko oshiholelwa, akale noku yambidida oshiwana, meemhumbwe da yooloka.

LEAVE A REPLY

Please enter your comment!
Please enter your name here