Mwedihanga a shaina euvathano nospana AmaTuks

0
210

Omudhani gwokonima mospana yopashigwana yaNamibia Brave Warriors, Willem ‘Dudes’ Mwedihanga okwa koleke euvathano lyomimvo ndatu nospana yoUniversiti ya Pretoria (AmaTuks),   ndjoka hayi dhana moLiha yopombanda ya South Africa, pauyelele wa gandjwa koshifo shomaudhano shedhina KickOff.com.

Omunamimvo 29 omudhani gwopaigwana omuNamibia okwa li keena we manga ospana ndjoka hadhanene konima sho okondalaka ye nenge euvathano lye lyokudhanena ospana yo AmaZulu lya li lya kwishi nenge lya thiki pehulilo komaandelo gomwedhi Juni nuumvo.Mwedihanga okwa li a dhana omaudhano omilongo mbali nospana yo Usuthu oshikako shuudhano 2014/2015.

Ospana yo Tuks oya kala nomaipyakidhilo mokukonga aadhani aape sho ya gandja iilonga yokudhana kaadhani ngaashi Thabiso Nkoana, Sibusiso Mthethwa, Vukile Mngqibisa, Kabelo Lichaba na Harry Edge.  Ospana ndjika yili mewiliko lya Sammy Troughton oya li wo ya ti oyi ilongekidha okupa omudhani gwokomeho  nale mospana yOrlando Pirates, Lennox Bacela iilonga, omanga omudhani nale gwomospana yoBloemfontein Celtic, Joel Mogorosi na ye ota lolwa kospana ndjika yomomunicipality ya Tshwane.Mogorosi ota talika ngele okuna tuu uundjolowele wu li  nawa opo a longithwe ongomudhani gwospana ndjika uuna oliha ya South Africa ya tameke omwedhi tuuka

LEAVE A REPLY

Please enter your comment!
Please enter your name here