Opre primary ko fikola po Diaz ya ongela N$18 000

0
220

LÜDERITZ – Opre-primary po Prima fikola ya Diaz modoolopa ya Lüderitz oyali nefiyafano la Miss na Mr Debutant ball mehulilo shivike olo twadja, sha ningilwa mosaala yo fikola ya Diaz mo Lüderitz, no ya ongela okapandi kee N$18 000.

Eshi osha ningwa eshi ovadali vounona ovo hava fikola po pre-primary po Diaz vali va pewa eembapila domaindilo oshimaliwa, kutalike ou taongele oshimaliwa shihapu ,opo omona adule oku yangatapo epapa eli lo Mss na Mr Debutant ball.

Miss Debutant oshishani oshaya na Aisha Shekutaamba, a ongela N$2 827. Ponhomola onhivali opeya Rejoice Mbulu a ongela N$2 020. Omanga Leshana Shimbulu eya ponhomola onhi nhatu eshi a ongela N$1 460. Kou kadona oshali sha yooloka shaashi ova ongela oimaliwa ihapu, osha eta opo vakale nomufindani omu tine, Linda Iyambo a ongela N$800.

Mr Debutant epapa ola ya na David Pius,a ongela N$1 275, omanga Simon Nekomba eya ponhomola onhivali eshi aongela N$1 000. Elia Shikongo omutitatu a ongela N$580.

Omulongi po Pre primary, Dean Johannes okwa tumbula kutya omukalo woku ninga efiyafano loludi eli lo Miss na Mr Debutant Ball, owa ningwa nelalakano opo ku ongelwe oshimaliwa osho ta shi ka landa oikwafifo hongo ya wedwapo neemhumbwe adishe mee ngulu do pre primary mofikola po Diaz Primary.

Pofikola opena eengulu nhatu do Pre primary. Pakutula kumwe eongelo loshimaliwa ongulu yo Dolphin oya ongela N$10 955.50, Ongulu yo Oryx oya ongela N$3 962.55, ongulu yo Sunflower oya ongela N$3 129.50 oyo aishe kumwe ya eta pomwaalu ufike  N$18 047.55.

LEAVE A REPLY

Please enter your comment!
Please enter your name here